ഇതാണ് ഫുട്‌ബോള്‍, ഇതാണ് കളി; ബ്ലാസ്റ്റേഴ്‌സിനെ വാനോളം പുകഴ്ത്തി ഇയാന്‍ ഹ്യൂം

കൊച്ചി: ബ്ലാസ്റ്റേഴ്‌സ് ചടീമില്‍ ആരാധകര്‍ക്ക് ഏറ്റവും പ്രിയപ്പെട്ട താരം ഹ്യൂമേട്ടനെന്ന ഇയാന്‍ ഹ്യൂമാണ്. പൂനെയ്ക്ക് എതിരായ മത്സരത്തില്‍ പൂനെ ഗോളിയുമായി കൂട്ടിയിടിച്ച് ഹ്യൂം കളം വിട്ടപ്പോള്‍ ആരാധകരുടെ ആവേശം ചോരുന്നുണ്ടായിരുന്നു. അവസാന നിമിഷം ഇഞ്ചുറി ടൈമില്‍ മലയാളി താരം സികെ വിനീത് നേടിയ തകര്‍പ്പന്‍ ഗോളിലൂടെ കേരളം വിജയത്തിലെത്തി.

What a performance by all the lads last night! Great fighting spirit, some great football, 2… https://t.co/9DnxQGb850

— Iain Hume (@Humey_7) February 3, 2018

സഹതാരങ്ങളെ പ്രശംസിച്ച് രംഗത്തെത്തിയിരിക്കുകയാണ് ഹ്യൂം. ട്വിറ്ററിലൂടെയാണ് കളിക്കാരുടെ പോരാട്ടവീര്യത്തേയും കളിമികവിനേയും ഹ്യൂം വാനോളം പുകഴ്ത്തിയിരിക്കുന്നത്.

ഇരുടീമും ഓരോ ഗോള്‍ വീതം നേടി സമനിലയിലേക്ക് നീങ്ങിയിരുന്ന കളിയില്‍ ഇഞ്ചുറി ടൈമില്‍ മലയാളി താരം സികെ വിനീത് നേടിയ ഗോളാണ് ബ്ലാസ്റ്റേഴ്‌സിന് വിജയം സമ്മാനിച്ചത്. ജയത്തോടെ 14 മത്സരങ്ങളില്‍ നിന്ന് 20 പോയന്റുമായി ബ്ലാസ്റ്റേഴ്‌സ് പോയന്റ് പട്ടികയില്‍ അഞ്ചാം സ്ഥാനത്തേക്ക് മുന്നേറി. ഇനിയുള്ള മത്സരങ്ങളിലും മികച്ച പ്രകടനം പുറത്തെടുത്താല്‍ ബ്ലാസ്റ്റേഴ്‌സിന് സീസണ്‍ സെമി ഉറപ്പിക്കാം.