പത്തനംതിട്ട: രാവിലെ നടക്കാനിറങ്ങിയവർ റോഡരികിൽ ഒഴിഞ്ഞ ശവപ്പെട്ടി കണ്ട് ഞെട്ടി. കുമ്പനാട്-നല്ലിമല റോഡില്‍ ആറങ്ങാട്ടുപടി- കുമ്പനാട് വഴി കല്ലുമലയ്ക്കു പോകുന്ന റോഡിലാണ് സംഭവം. വിദേശരാജ്യങ്ങളില്‍ നിന്നു മൃതദേഹം എംബാം ചെയ്തു കൊണ്ടു വരുന്ന ശവപ്പെട്ടിയാണ് വഴിയരികിൽ ഉപേക്ഷിച്ച നിലയിൽ കണ്ടെത്തിയത്.
സംഭവം കണ്ടു ഭയന്നവർ നിലവിളിച്ചതോടെ ആളുകൾ ഓടിക്കൂടുകയായിരുന്നു. വിവരമറിഞ്ഞ് എത്തിയ പോലീസ് വിശദമായി ശവപ്പെട്ടി പരിശോധിച്ചു. പ്രദേശം മുഴുവന്‍ തിരഞ്ഞു എങ്കിലും മൃതദേഹം കണ്ടെത്താനായില്ല. വിദേശത്തു നിന്നു തിരുവനന്തപുരത്തു മൃതദേഹം എത്തിച്ച ശവപ്പെട്ടിയാണ് ഇത് എന്നാണു സൂചന. ശവപ്പെട്ടി പോലീസ് കസ്റ്റഡിയില്‍ എടുത്തു. ഈ പ്രദേശത്ത് അടുത്ത കാലത്തെങ്ങും വിദേശത്തു നിന്നു മൃതദേഹം കൊണ്ടു വന്നിട്ടില്ല എന്നാണ് നാട്ടുകാർ പറയുന്നത്.
Post Your Comments