ന്യൂഡല്‍ഹി: സ്വന്തം കാര്‍ അടിച്ചു മാറ്റിയ യുവാവിനെ തേടി ചത്തീസ്ഗഡ് പൊലീസ്. മദ്യപിച്ച്‌ വാഹനമോടിച്ച ഫത്തേഗര്‍ സാഹിബ് സ്വദേശി ബാല്‍ജോട്ട് സിംഗിനെയും ഇയാളുടെ ഹോണ്ട സിറ്റി കാറും പൊലീസ് കസ്റ്റഡിയിലെടുക്കുകയുണ്ടായി. കസ്റ്റഡിയിലെടുത്ത വാഹനം വഴിമധ്യേ കേടായതോടെ പൊലീസുകാര്‍ റിക്കവറി വാഹനം കൊണ്ടുവരാനായി പോയി.
Read Also: തടവുകാര്‍ക്ക് സൗജന്യമായി ടാബ്‌ലെറ്റ് കംപ്യൂട്ടേഴ്സ്
ഈ സമയത്ത് കൈയിൽ ഉണ്ടായിരുന്ന സ്പെയര്‍ കീ ഉപയോഗിച്ച്‌ ബാല്‍ജോട്ട് സിംഗ് കാറുമായി മുങ്ങി. ഇതോടെ പൊലീസുകാര്‍ കുടുങ്ങി. കാറിന്റെ നമ്പര്‍ വച്ച്‌ വിലാസം കണ്ടുപിടിച്ചെങ്കിലും കാറിന്റെ ആദ്യത്തെ ഉടമയുടെ വീട്ടിലാണ് പൊലീസിന് എത്തിച്ചേരാൻ കഴിഞ്ഞത്. ഇപ്പോൾ ബാല്‍ജോട്ട് സിംഗിനെ കണ്ടെത്താനുള്ള ശ്രമത്തിലാണ് പോലീസുകാർ.
Post Your Comments