ട്രംപിന്റെ കടുത്ത തീരുമാനങ്ങൾക്ക് അയവ് : അഭയാർത്ഥികളുടെ വിലക്ക് പിൻ‌വലിക്കുന്നു

ട്രംപ് ഭരണകൂടം കഴിഞ്ഞ ഒക്ടോബറിൽ ഈജിപ്ത്, ഇറാൻ, ഇറാഖ്, ലിബിയ, മാലി, ഉത്തരകൊറിയ, സോമാലിയ, ദക്ഷിണ സുഡാൻ, സുഡാൻ, സിറിയ, യെമൻ എന്നീ രാജ്യങ്ങൾക്കാണു വിലക്കു പ്രഖ്യാപിച്ചിരുന്നത്. ഡോണൾഡ് ട്രംപ് പ്രസിഡന്റായ ശേഷം കഴിഞ്ഞ ഒരു വർഷമായി യുഎസ് അഭയാർഥികൾക്കെതിരെ കർശനമായ നിലപാടാണു സ്വീകരിച്ചിരുന്നത്. ബറാക് ഒബാമ പ്രസിഡന്റായിരുന്ന ഘട്ടത്തിൽ തലേവർഷം 110,000 അഭയാർഥികളെ യുഎസിൽ സ്വീകരിച്ചു. എന്നാൽ കഴിഞ്ഞവർഷം അവരുടെ എണ്ണം 53,000 ആയി ആദ്യം വെട്ടിക്കുറച്ചു. പിന്നീട് എണ്ണം വീണ്ടും 45,000 ആക്കി.