ആഗ്ര:ഒളിച്ചോടിയ കമിതാക്കളെ പിടികൂടി തിരിച്ചുവരവെ കാലനായത് മൂടൽമഞ്ഞ്. കാഴ്ച മറഞ്ഞതോടെ വാഹനം മറിഞ്ഞത് കുളത്തിലേക്ക്. അപകടത്തിൽ രണ്ട് പോലീസുകാരടക്കം ഏഴ് പേര്‍ മരിച്ചു. ഉത്തര്‍പ്രദേശിലെ അലിഗഡിലുള്ള ചാരാ റോഡിനു സമീപമാണ് അപകടമുണ്ടായത്. ഏഴുപേര്‍ക്ക് യാത്ര ചെയ്യാവുന്ന സ്കോര്‍പിയോ കാറാണ് അപകടത്തില്‍ പെട്ടത്.
ഒളിച്ചോടിയ കമിതാക്കൾ പ്രായപൂത്തിയാകാത്തവരായിരിന്നു. ഇരുവരെയും കണ്ടെത്താനാകാത്തതോടെ പെൺകുട്ടിയുടെ മാതാപിതാക്കൾ പോലീസിൽ പരാതിപ്പെടുകയായിരുന്നു.ഇവരെ കണ്ടെത്തി തിരികെ വരുന്നതിനിടെയാണ് വണ്ടി കുളത്തിലേക്ക് മറിഞ്ഞത്. വണ്ടിയിലുണ്ടായിരുന്ന ഏഴുപേരും മരണപ്പെട്ടു. ഡല്‍ഹിയിലും യുപിയുടെ വിവിധ ഭാഗങ്ങളിലും കനത്ത മൂടല്‍ മഞ്ഞാണ് അനുഭവപ്പെടുന്നത്. ഇത് സംസ്ഥാനത്തെ ഗതാഗതത്തേയും സാരമായി ബാധിച്ചിട്ടുണ്ട്. ഡല്‍ഹിയില്‍ നിന്നും 18 ട്രെയിന്‍ സര്‍വീസുകള്‍ റദ്ദാക്കിയിട്ടുണ്ട്. 43 എണ്ണം വൈകിയാണ് ഓടുന്നത്.
Post Your Comments