നാഗ്പൂര്‍: വിവാഹ വാഗ്ദാനം നൽകി യുവതിയെ കാമുകൻ പീഡിപ്പിച്ചു.പിന്നീട് മറ്റൊരു വിവാഹത്തിന് തയ്യാറായ യുവതിയെ പലതവണ കാമുകൻ ബ്ലാക്ക്‌മെയിലിങ് ചെയ്തു.സങ്കടം സഹിക്ക വയ്യാതെ യുവതി ആത്മഹത്യ ചെയ്യാന്‍ തീരുമാനിച്ചു . മറ്റൊരു യുവാവുമായി കല്യാണമുറപ്പിച്ച പെണ്‍കുട്ടി പൂര്‍വ കാമുകന്റെ ബ്ലാക്ക് മെയിലിങ്ങിനെ തുടര്‍ന്ന് വിഷം കഴിച്ച് ആത്മഹത്യ ചെയ്തു. പെണ്‍കുട്ടി വിഷം കഴിക്കുന്ന ദൃശ്യങ്ങള്‍ സ്വയം ഒരു വീഡിയോയില്‍ പകര്‍ത്തുകയും കാമുകന് അയച്ച് കൊടുക്കുകയും ചെയ്തു.
മഹാരാഷ്ട്രയിലെ ഭണ്ഡാര ജില്ലയിലാണ് സംഭവം നടന്നത്. കഴിഞ്ഞ ബുധനാഴ്ചയായിരുന്നു പെണ്‍കുട്ടി ആത്മഹത്യ ചെയ്തത്. ഫെബ്രുവരി 4നായിരുന്നു വിവാഹം നിശ്ചയിച്ചിരുന്നത്. നിഖില്‍ എന്ന യുവാവ് കാലങ്ങളോളം പെണ്‍കുട്ടിയെ പ്രണയം നടിച്ച് വഞ്ചിച്ചിരുന്നതായും ശാരീരികമായി ഉപയോഗിച്ചിരുന്നതായും സഹോദരന്‍ പറഞ്ഞു.
നിഖിലിനെ ഉടന്‍ അറസ്റ്റ് ചെയ്യണമെന്നാണ് യുവതിയുടെ കുടുംബം ആവശ്യപ്പെടുന്നത്. അതേ സമയം സംഭവം തങ്ങള്‍ അന്വേഷിച്ചുവരികയാണെന്ന് പൊലീസ് അറിയിച്ചു. വിഷം കുടിച്ച നിലയില്‍ നിഷയെ ഒരാള്‍ കണ്ടെത്തുകയും ഭണ്ഡാരയിലെ ജില്ലാ ജനറല്‍ ആശുപത്രിയില്‍ എത്തിക്കുകയുമായിരുന്നു. എന്നാല്‍ അപ്പോഴേക്കും യുവതി മരിച്ചിരുന്നു. അടുത്തിടെയായി പഴയ ചിത്രങ്ങള്‍ കാണിച്ച് നിഖില്‍ ഭീഷണിപ്പെടുത്താനും ബ്ലാക്ക് മെയില്‍ ചെയ്യാനും തുടങ്ങിയതോടെ പെണ്‍കുട്ടി കടുത്ത മാനസിക സമ്മര്‍ദ്ദത്തിലായിരുന്നെന്നും സഹോദരന്‍ പറയുന്നു.
Post Your Comments