പാലക്കാട്: ആര്‍എസ്‌എസ് തലവന്‍ മോഹന്‍ ഭഗവത് പാലക്കാട് സ്കൂളില്‍ ദേശീയ പതാക ഉയര്‍ത്തും. സ്വകാര്യ സ്കൂളിലാണ് പതാക ഉയര്‍ത്തുന്നത്. പാലക്കാട്-ഷോര്‍ണൂര്‍ റൂട്ടിലുള്ള കല്ലേക്കാട് വ്യാസവിദ്യാപീഠത്തില്‍ 26 മുതല്‍ നടക്കുന്ന ആര്‍എസ്‌എസ് മണ്ഡല്‍ ഉപരികാര്യകര്‍തൃ പ്രവര്‍ത്തകരുടെ ശിബിരത്തില്‍ പങ്കെടുക്കാനാണ് അദ്ദേഹം പാലക്കാട്ടെത്തിയത്.
മോഹന്‍ ഭഗവത് രാവിലെ ഒന്‍പതിനു സ്കൂളില്‍ റിപ്പബ്ലിക്ദിനാഘോഷ പരിപാടിയില്‍ ദേശീയ പതാക ഉയര്‍ത്തുക. നേരത്തെ ഓഗസ്റ്റ് 15നു പാലക്കാട് മൂത്താന്തറ കര്‍ണകയമ്മന്‍ ഹൈസ്കൂളിലെ സ്വാതന്ത്ര്യദിന പരിപാടിയില്‍ അദ്ദേഹം പതാക ഉയര്‍ത്തിയതും പതാക ഉയര്‍ത്തുന്നതു സര്‍ക്കാര്‍ വിലക്കിയതും വിവാദമായിരുന്നു. ഇപ്പോഴും സർക്കാർ സർക്കുലർ ഇറക്കിയിട്ടുണ്ട് എന്നതും ശ്രദ്ധേയമാണ്.
Post Your Comments