ജോഹന്നാസ്ബര്‍ഗ്: മൂന്നാം ടെസ്റ്റില്‍ ഇന്ത്യയ്‌ക്കെതിരെ ദക്ഷിണാഫ്രിക്കയ്ക്ക് 241 റണ്‍സിന്റെ വിജയലക്ഷ്യം. 49/1 എന്ന നിലയില്‍ മൂന്നാം ദിനം ബാറ്റിംഗ് പുനരാരംഭിച്ച ഇന്ത്യക്ക് 247 റണ്‍സില്‍ എല്ലാ വിക്കറ്റും നഷ്ടമായി. 48 റണ്‍സ് നേടിയ രഹാനെയാണ് ടോപ് സ്‌കോറര്‍.
കോഹ്ലി 41 റണ്‍സ് നേടി. ബാക്കി മുന്‍നിര ബാറ്റ്‌സ്മാന്മാര്‍ തകര്‍ന്നടിഞ്ഞപ്പോള്‍ വാലറ്റക്കാരായ ഭുവനേശ്വര്‍ കുമാറും മുഹമ്മദ് ഷമിയും ചെറുത്തുനിന്നു. ഭുവനേശ്വര്‍ കുമാര്‍ 33 റണ്‍സും മുഹമ്മദ് ഷാമി 27 റണ്‍സും നേടി.
നാലാം വിക്കറ്റില്‍ മുരളി വിജയ്(25)-കോഹ്ലി കൂട്ടുകെട്ട് 53 റണ്‍സ് നേടി. ഏഴാം വിക്കറ്റ്ല്‍ രഹാനെ-ഭുവനേശ്വര്‍ കുമാര്‍ കൂട്ടുകെട്ടില്‍ 55 റണ്‍സും ഭുവിയും ഷമിയും ചേര്‍ന്ന് 35 റണ്‍സും കൂട്ടിച്ചേര്‍ത്തു. ദക്ഷിണാഫ്രിക്കയ്ക്കായി കസിഗോ റബാഡ, മോര്‍ണി മോര്‍ക്കല്‍, വെറോണ്‍ ഫിലാന്‍ഡര്‍ എന്നിവര്‍ മൂന്ന് വിക്കറ്റ് വീതവും ലിംഗി എന്‍ഗിഡിക്ക് ഒരു വിക്കറ്റും നേടി.
Post Your Comments