ജംഷദ്പൂര്‍: കേരള ബ്ലാസ്റ്റേഴ്‌സ് വീണ്ടും ല്‍വി. ജയത്തിന്റെ പാതയിലായിരുന്ന ബ്ലാസ്റ്റേഴ്‌സിനെ മുന്‍ കോച്ച് സ്റ്റീവ് കോപ്പലിന്റെ പരിശീലനത്തില്‍ ഇറങ്ങിയ ജംഷദ്പൂരാണ് കെട്ടുകെട്ടിച്ചത്. 23-ാം സെക്കന്റില്‍ തന്നെ ആദ്യ ഗോള്‍ നേടി. ജെറിയാണ് ഐഎസ്എല്‍ ചരിത്‌രത്തിലെ ഏറ്റവും വേഗമേറിയ ഗോള്‍ നേടിയത്. രണ്ടാം ഗോളും ജംഷദ്പൂര്‍ ആദ്യ പകുതിയില്‍ തന്നെ നേടി.
31-ാം മിനിറ്റില്‍ അഷിം ബിശ്വാസാണ് രണ്ടാം ഗോള്‍ നേടിയത്. രണ്ടാം ഗോളിന് ശേഷവും ജംഷദ്പൂര്‍ ബ്ലാസ്റ്റേഴ്‌സിന്റെ ബോക്‌സിലേക്ക് ആക്രമണം അഴിച്ചുവിട്ടു. ആദ്യ പകുതിയില്‍ കോര്‍ണര്‍ കിക്കിന് പറന്നു വന്ന പന്ത് ഹ്യൂമിന്റെ തകര്‍പ്പന്‍ ഹെഡറിലൂടെ ഗോള്‍ ആകുമെന്ന് കരുതിയെങ്കിലും ബ്ലാസ്റ്റേഴ്‌സിന്റെ നിര്‍ഭാഗ്യം ജംഷദ്പൂരിനെ തുണച്ചു.
90-ാം മിനിറ്റില്‍ മാര്‍ക് സിഫ്‌നിയോസിന്റെ വകയായിരുന്നു ബ്ലാസ്റ്റേഴ്‌സിന്റെ ആശ്വാസ ഗോള്‍. ജിങ്കന്റെ ക്രോസില്‍ ഉയര്‍ന്നെത്തിയ പന്ത് ഹെഡറിലൂടെ സിഫ്‌നിയോസ് ഗോള്‍ നേടുകയായിരുന്നു. വിനീതും ഹ്യൂമും നിറം മങ്ങിയതും ബ്ലാസ്റ്റേഴ്‌സിന് വിനയായി. രണ്ടാം പകുതിയുടെ അവസാനം ഹ്യൂമിനെ പിന്‍വലിച്ച് സിഫ്‌നിയോസിനെ ഇറക്കിയെങ്കിലും വൈകിയിരുന്നു.
Post Your Comments