ശ്രീജിത്തുമായി മുഖ്യമന്ത്രി കൂടികാഴ്ച നടത്തും

തിരുവനന്തപുരം: സെക്രട്ടേറിയറ്റിന് മുന്നില്‍ സമരം നടത്തുന്ന ശ്രീജിത്തുമായി മുഖ്യമന്ത്രി ഇന്ന് കൂടിക്കാഴ്ച നടത്തും. സഹോദരന്‍ ശ്രീജീവിന്റെ കസ്റ്റഡി മരണം സിബിഐ അന്വേഷിക്കണമെന്നാവശ്യപ്പെട്ട് കഴിഞ്ഞ 766 ദിവസമായി സെക്രട്ടറിയേറ്റിന് മുന്നില്‍ ശ്രീജിത്ത് നിരാഹാരസമരം നടത്തിവരികയായിരുന്നു. ഇന്ന് വൈകീട്ട് ഏഴു മണിക്ക് ശ്രീജിത്തുമായി മുഖ്യമന്ത്രി കൂടിക്കാഴ്ച നടത്തും. കൂടിക്കാഴ്ച നടത്താമെന്ന് മുഖ്യമന്ത്രി നേരിട്ടാണ് ശ്രീജിത്തിനെ അറിയിച്ചത്.

Read Also: സത്യാഗ്രഹം കിടന്ന് എല്ലും തോലുമായ ശ്രീജിത്ത്, ഒരുകാലത്തെ മികച്ച ബോഡി ബിൽഡർ

അതേസമയം കേസ് സിബിഐ അന്വേഷിക്കുമെന്ന് ഉറപ്പ് ലഭിച്ചതായി എംപിമാരായ കെ.സി.വേണുഗോപാലും ശശി തരൂരും വ്യക്തമാക്കിയിട്ടുണ്ട്. കേന്ദ്ര പേഴ്സണല്‍ കാര്യമന്ത്രി ജിതേന്ദ്രസിങാണ് ഇക്കാര്യം എംപിമാരെ അറിയിച്ചത്.
SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2