ബാഗേജില്‍ വന്‍ സൗജന്യവുമായി യു.എ.ഇ വിമാനക്കമ്പനി

ദുബായ്•ബാഗേജില്‍ വന്‍ സൗജന്യവുമായി യു.എ.ഇ വിമാനക്കമ്പനിയായ എമിറേറ്റ്സ്. എമിറേറ്റ്സ് യാത്രക്കാര്‍ക്ക് 45 കിലോഗ്രാം ബാഗേജ് വരെ സൗജന്യമായി കൊണ്ടുപോകാം.

ഇക്കോണമി ക്ലാസില്‍ തെരഞ്ഞെടുത്ത നഗരങ്ങളിലേക്കുള്ള യാത്രയ്ക്കാണ് ഈ ആനുകൂല്യം ലഭിക്കുക. നിലവിലെ 30 കിലോഗ്രാം സൗജന്യത്തിന് പുറമേയാണ് 15 കിലോഗ്രാം കൂടി അധികമായി കൊണ്ടുപോകാന്‍ കഴിയുക. യു.എ.ഇയില്‍ നിന്ന് വാങ്ങുന്ന ഒരു ദിശയിലേക്കുള്ള യാത്രയ്ക്കാണ് ഈ ആനുകൂല്യം ലഭ്യമാകുക.

2018 ജനുവരി 31 വരെയാണ് ഈ ആനുകൂല്യം സ്വന്തമാക്കാന്‍ അവസരമുള്ളത്. 2018 ജൂണ്‍ 10 വരെയുള്ള യാത്രകള്‍ക്കാണ് ഈ ഇളവ് ലഭിക്കുന്നത്.

അതേസമയം, 2018 മാര്‍ച്ച്‌ 23 മുതല്‍ 25 വരെ ടെഹ്‌റാന്‍ ഒഴികെയുള്ള സ്ഥലങ്ങളിലേക്ക് അധിക ബാഗേജ് ഓഫര്‍ ലഭിക്കില്ല.

സില്‍വര്‍, ഗോള്‍ഡ്‌, പ്ലാറ്റിനം സ്കൈവാര്‍ഡ്‌സ് അംഗങ്ങങ്ങള്‍ക്ക് ഈ നഗരങ്ങളിലേക്ക് സാധാരണ ബാഗേജിന് പുറമേ യഥാക്രമം 12 കി.ഗ്രാം, 16 കി.ഗ്രാം, 20 കി.ഗ്രാം അധിക ബാഗേജ് കൊണ്ടുപോകാം.