കൊല്ലം: കൊല്ലത്ത് ഹോസ്റ്റലിന് മുന്നിലെത്തി അശ്ലീല ചേഷ്ടകള്‍ കാട്ടുന്ന യുവാവിനെ എല്‍എല്‍ബി വിദ്യാര്‍ത്ഥിനികള്‍ കുടുക്കി. കൊല്ലത്ത് പെണ്‍കുട്ടികളുടെ ഹോസ്റ്റലുകള്‍ക്ക് മുമ്പില്‍ സാമൂഹിക വിരുദ്ധ ശല്യം നിത്യ സംഭവമായിരിക്കെയാണ് ഇതിലെ പ്രധാന കണ്ണിയെ പെണ്‍കുട്ടികള്‍ തന്നെ വലയിയാക്കിയത്. ഇയാളെ ഹോസ്റ്റലിന് മുന്നില്‍ സ്ഥിരമായി യമഹ റേ സ്ക്കൂട്ടറില്‍ എത്തി അശ്ലീല ചേഷ്ടകള്‍ കാട്ടുന്ന ഉണ്ണികൃഷ്ണന്റെ ദൃശ്യങ്ങള്‍ മൊബൈലില്‍ പകര്‍ത്തിയാണ് വലയിലാക്കിയത്. പിടിയിലായ ഉണ്ണികൃഷ്ണനെ കോടതിയില്‍ ഹാജരാക്കും.
ദൃശ്യങ്ങള്‍ പിങ്ക് പൊലീസിന് നല്‍കിയതോടെ നിമിഷങ്ങള്‍ക്കകം പ്രതി പിടിയിലായി. ശനി, ഞായര്‍ ദിവസങ്ങളിലാണ് പ്രധാനമായും സാമുഹിക വിരുദ്ധരുടെ അഴിഞ്ഞാട്ടം. അതു കൊണ്ട് തന്നെ ഹോസ്റ്ററ്റല്‍ പരിസരത്ത് പലയിടങ്ങളിലായി മറഞ്ഞുനിന്ന എല്‍എല്‍ബി വിദ്യാര്‍ഥികള്‍ സാമൂഹിക വിരുദ്ധര്‍ക്ക് കുരുക്കൊരുക്കി. എല്‍എല്‍ബി വിദ്യാര്‍ഥികളായ ആര്യ, അമ്മു എന്നിവര്‍ ചേര്‍ന്നാണ് സാമൂഹിക വിരുദ്ധര്‍ക്ക് കുരുക്കൊരുക്കിയത്. ഹോസ്റ്റലിന് നേരേ ആക്രമണം ഉണ്ടാകുന്ന സംഭവത്തില്‍ എസ്‌എന്‍ വനിതാ കോളെജിന് മുന്നില്‍ തമ്പടിക്കുന്ന ചില പൂവാല സംഘങ്ങളെ പൊലീസ് നിരീക്ഷിച്ച്‌ വരുകയാണ്. ഹോസ്റ്റലിന് സമീപത്തായുള്ള ചില കോഫി ഷോപ്പുകളും പൊലീസ് നിരീക്ഷിക്കുന്നുണ്ട്.
Post Your Comments