ഏവരെയും ഞെട്ടിച്ച് ഇരട്ട റോബോട്ടുകളുടെ നഗ്നനൃത്തം. യൂറോപ്പില്‍ പലയിടങ്ങളിലും സ്ട്രിപ്പ് ക്ലബുകള്‍ സജീവമാണ്. എന്നാല്‍ ഈ പ്രാവശ്യം യുവതി യുവാക്കള്‍ക്ക് പകരമായി നഗ്നരായി നൃത്തം ചവിട്ടുന്നത് റോബോട്ട് ഡാന്‍സര്‍മാരാണ്. നൂറുകണക്കിന് ഇലക്‌ട്രോണിക് ഉപകരണങ്ങളും നൂതന സാങ്കേതിക വിദ്യകളും പ്രദര്‍ശനത്തിനെത്തിയ സിഇഎസ് 2018 ലെ കൗതുകമുണര്‍ത്തുന്ന സാങ്കേതിക ആശയങ്ങളില്‍ ഒന്നായിരുന്നു ഇത്. റോബോട്ടുകളുടെ ഒരു സ്ട്രിപ്പ് ക്ലബ്. അവിടെ ഇരട്ട റോബോട്ടുകളുടെ നൃത്തം. കണ്ടവരെല്ലാം ശരിക്കും അതിശയിച്ചു.
അവയുടെ ചലനം കണ്ട് ശരിക്കും മനുഷ്യര്‍ തന്നെയാണോ എന്ന് പലരും സംശയിക്കുകയും ചെയ്തു. കാഴ്ചയില്‍ മനുഷ്യരെ പോലെ അല്ലാതിരുന്നിട്ടുപോലും. സിസിടിവി ക്യാമറകള്‍ പോലെയാണ് റോബോട്ടുകളുടെ തല. മറ്റ് ഭാഗങ്ങള്‍ സാധാരണ റോബോട്ടുകളെ പോലെ തന്നെ. പക്ഷെ റോബോട്ടുകളുടെ നഗ്നനൃത്തം കാണണമെങ്കില്‍ വിമാനം പിടിച്ച്‌ പെട്ടെന്ന് തന്നെ ലാസ് വെഗാസിലേക്ക് പോവേണ്ടിവരും. അമ്പത് കാരനായ ഗില്‍സ് വാക്കറാണ് ഈ റോബോട്ടുകള്‍ രൂപകല്‍പ്പന ചെയ്തത്. കോര്‍പ്പറേറ്റ് പാര്‍ട്ടികള്‍ക്ക് വേണ്ടി ഈ റോബോട്ടുകളെ വാടകയ്ക്ക് കൊടുക്കാനാണ് ഗില്‍സ് പദ്ധതിയിടുന്നത്.
Post Your Comments