മകന്‍ വളർത്തുനായയെ കൊന്നു; അതുകണ്ട് അച്ഛൻ ചെയ്തത്

റായ്പൂര്‍: വളര്‍ത്തുനായയെ കൊന്ന മകനെതിരെ അച്ഛന്‍ നല്‍കിയ പരാതിയില്‍ പൊലീസ് മകനെ അറസ്റ്റ് ചെയ്തു. ചത്തീസ്ഗഢിലെ സുരാജ്പുര്‍ ജില്ലയിലെ പോഡി ഗ്രാമത്തിലാണ് സംഭവം. ശിവമംഗല്‍ സായ് എന്നയാളുടെ അരുമയായ ജബ്ബു എന്ന നായയെ മകന്‍ സന്താരിയാണ് കൊന്നത്. പറഞ്ഞത് അനുസരിക്കാത്തതിനാണ് നായയെ കൊന്നത്.

സായിയുടെ ഓമനയായിരുന്ന ആ നായ. പക്ഷേ മകന് നായയെ ഇഷ്ടമല്ലായിരുന്നു. കഴിഞ്ഞ ദിവസം വീടിന് പുറത്ത് കിടന്ന പന്ത് എടുക്കാന്‍ നായയോട് സന്താരി നിര്‍ദേശിച്ചു. നായ അത് അനുസരിച്ചില്ല. ദേഷ്യം വന്ന മകന്‍ കയ്യില്‍ കിട്ടിയ കത്തി ഉപയോഗിച്ച് നായയെ കൊല്ലുകയായിരുന്നു.കൃത്യം ചെയ്തത് മകനാണെന്ന് മനസ്സിലാക്കിയ പിതാവ് ചത്ത നായയുമായി കരഞ്ഞുകൊണ്ട് പൊലീസ് സ്റ്റേഷനിലെത്തി മകനെതിരെ പരാതി കൊടുത്തു.