ന്യൂഡല്‍ഹി: കെനിയയില്‍ മനുഷ്യക്കടത്തുകാരുടെ പിടിയിലകപ്പെട്ട മൂന്ന് ഇന്ത്യന്‍ പെണ്‍കുട്ടികളെ രക്ഷപ്പെടുത്തിയതായി കേന്ദ്രവിദേശകാര്യ മന്ത്രി സുഷമ സ്വരാജ് ട്വീറ്റ് ചെയ്തു. ഇവര്‍ക്കൊപ്പം തടവിലായിരുന്ന ഏഴ് നേപ്പാളി യുവതികളെയും തങ്ങളുടെ ഇടപെടലിൽ മോചിപ്പിച്ചുവെന്നും സുഷമ സ്വരാജ് വ്യക്തമാക്കി.
മനുഷ്യകടത്തു സംഘം കെനിയയിലേക്ക് കടത്തിയ പെണ്‍കുട്ടികളെ ഇന്ത്യന്‍ ഹൈക്കമ്മീഷന്‍ കെനിയന്‍ പൊലീസിെന്‍റ സഹായത്തോടെ രക്ഷപ്പെടുത്തുകയായിരുന്നു. മൊബാംസയില്‍ നിന്നാണ് പെണ്‍കുട്ടികളെ കണ്ടെത്തിയതെന്നും ഇവരുടെ പാസ്പോര്‍ട്ടുകളും മൊബൈല്‍ ഫോണുകളും തിരികെ ലഭിച്ചതായും സുഷമ അറിയിച്ചു. രക്ഷപ്പെട്ട പെണ്‍കുട്ടികളെ നാട്ടിലെത്തിക്കാനുള്ള ശ്രമങ്ങള്‍ നടക്കുകയാണ്.
സംഭവവുമായി ബന്ധപ്പെട്ട് പഞ്ചാബില്‍ കേസ് രജിസ്റ്റര്‍ ചെയ്തിരുന്നു. പഞ്ചാബ് സര്‍ക്കാറിന് പെണ്‍കുട്ടികളെ മോചിപ്പിച്ചതുമായി ബന്ധപ്പെട്ട വിവരങ്ങള്‍ കൈമാറിയിട്ടുണ്ട്.
Post Your Comments