മുസ്‌ലിം ജനസംഖ്യ വര്‍ധിക്കുന്നതിനെക്കുറിച്ച് രാജസ്ഥാൻ എംഎല്‍എ

ജയ്​പുർ: രാജ്യത്തിന്റെ നിയന്ത്രണം കൈയടക്കാന്‍ മുസ്ലീംകള്‍ പെറ്റുകൂട്ടുന്നുവെന്ന വിവാദ പ്രസ്താവനയുമായി ബിജെപി നേതാവ്‌. 2030ഒാടെ രാജ്യത്തിന്റെ നിയന്ത്രണം കൈയടക്കാനായി മുസ്​ലിം വിഭാഗക്കാർ തലമുറ വർദ്ധിപ്പിക്കുകയാണ് ചെയ്യുന്നതെന്ന് രാജസ്​ഥാനിലെ ബിജെപി എംഎൽഎ ബൻവാരിലാൽ സിംഘാൽ പറഞ്ഞത്. ആൽവാറിലെ എംഎൽഎയായ സിംഘാൽ ഫെയ്സ്​ബുക്കിലൂടെയാണ് ഈ കാര്യം പറഞ്ഞത്.

‘‘മുസ്​ലിംകൾ 12-14 കുട്ടികളെയാണ്​ പ്രസവിക്കുന്നത്​. ഹിന്ദുക്കളാകട്ടെ ഒന്നോ രണ്ടിലോ ഒതുക്കുന്നു. മുസ്​ലിം ജനസംഖ്യ വർധിക്കുന്നത്​ ഹിന്ദുക്കൾക്ക്​ ഭീഷണിയാണ്​. പ്രസിഡന്റ്, ​പ്രധാനമന്ത്രി, മുഖ്യമന്ത്രിമാർ എന്നീ പദവികൾ ലക്ഷ്യം വെച്ചുള്ള ഗൂഢാലോചനയാണ്​ മുസ്​ലിംകൾ നടത്തുന്നത്​’’, സിംഘാല്‍ പറയുന്നു. ഏറെ ആലോചിച്ചശേഷമാണ്​ ഇൗ പോസ്​റ്റ്​ ഇട്ടതെന്നും അതുകൊണ്ടുതന്നെ പിൻവലിക്കില്ലെന്നും എംഎൽഎ പിടിഐയോടു പറഞ്ഞു.ആൽവാർ മണ്ഡലത്തിൽ ജനുവരി 29ന്​ ഉപതെരഞ്ഞെടുപ്പ്​ നടക്കാനിരിക്കെയാണ് സിംഘലാലിന്റെ പ്രസ്താവന.