ജിയോയെ നേരിടാന്‍ ഐഡിയ ഡേറ്റാ നിരക്ക് കുറച്ചു

ജിയോയെ നേരിടാന്‍ ഐഡിയ ഡേറ്റാ നിരക്ക് കുത്തനെ കുറച്ചു. 198, 199 എന്നീ രണ്ടു പ്ലാനുകളാണ് ഐഡിയ പുതിയതായി അവതരിപ്പിച്ചിരിക്കുന്നത്. 198 രൂപയുടെ പ്ലാൻ കഴിഞ്ഞ ദിവസം വോഡഫോണും അവതരിപ്പിച്ചിരുന്നു. 199 രൂപയാണ് ജിയോയുടെ പ്ലാൻ.

198 രൂപയ്ക്ക് 28 ദിവസത്തേക്ക് 28 ജിബി ഡേറ്റ ഐഡിയയുടെ പുതിയ ഓഫർ പ്രകാരം ഉപയോഗിക്കാം. ഐഡിയ ഇത് ആദ്യമായാണ് ഇത്രയും കുറഞ്ഞ നിരക്കിൽ ദിവസം ഒരു ജിബി നിരക്കല്‍ ഡേറ്റ നൽകുന്നത്. ഡേറ്റയ്ക്ക് പുറമെ ലോക്കൽ, എസ്ടിഡി കോളുകൾ പരിധിയില്ലാതെ വിളിക്കാം.

 199 പ്ലാനിൽ ദിവസം ഒരു ജിബി ഡേറ്റയ്ക്ക് പുറമെ 100 എസ്എംഎസുകള്‍ അധികമായി നൽകുന്നുണ്ട്. ഇതിന്റെ കാലാവധിയും 28 ദിവസമാണ്. 357 രൂപയുടെ പ്ലാനിൽ 28 ദിവസത്തേക്ക് 56 ജിബി ഡേറ്റയാണ് നൽകുന്നത്.