ട്രെയിനിൽ നിന്ന് വീണു മരിച്ച യുവതിയെ തിരിച്ചറിയാനാവാതെ പോലീസ് : കാസർഗോഡ് സ്വദേശിനിയെന്ന് സംശയം

കാസർഗോഡ്: പയ്യോളിയില്‍ ട്രെയിനില്‍ നിന്നും വീണ് മരിച്ച യുവതിയെ തിരിച്ചറിയാനാവാതെ പോലീസ്. ഞായറാഴ്ച രാവിലെ 11.30 ന് എഗ്മോര്‍ എക്സ്പ്രസ് ട്രെയിനില്‍ നിന്നാണ് യുവതി വീണു മരിച്ചത്. 25 നും 30നും ഇടയില്‍ പ്രായമുണ്ട്. കാഞ്ഞങ്ങാട്- നിന്നും കണ്ണൂരിലേക്കുള്ള ട്രെയിന്‍ ടിക്കറ്റും, കാഞ്ഞങ്ങാട് കപ്പനക്കല്‍ വിനോദ് എന്ന ജോത്സ്യനെ സമീപിച്ച്‌ വാങ്ങിയ നവംബര്‍ 26 ന്റെ ഗൃഹപ്രവേശനത്തിനുള്ള കുറിപ്പും കൈയ്യിലുണ്ടായിരുന്ന ബാഗിലുണ്ടായിരുന്നു.

കാസർഗോഡ് സ്വദേശിനിയാണ് യുവതിയെന്നാണ് സംശയിക്കുന്നത്. യുവതിയെ തിരിച്ചറിയുന്നവർ പയ്യോളി പോലീസ് സ്റ്റേഷനുമായി ബന്ധപ്പെടണമെന്ന് പയ്യോളി എസ് ഐ അറിയിച്ചു. ഫോണ്‍ നമ്പര്‍: 0496 2602034.

NB:തിരിച്ചറിയല്‍ ആവശ്യത്തിനായി മാത്രം ഉപയോഗിക്കുന്ന ഇതുപോലുള്ളഫോട്ടോ  ദയവായി ലോലഹൃദയങ്ങള്‍ക്ക് ഷെയര്‍ ചെയ്യുകയോ കൈമാറുകയോ അരുത്.