ന്യൂ ഡൽഹി ; മെട്രോ ട്രെയിന്‍ പാളം തെറ്റി. ഡല്‍ഹി മെട്രോ ട്രെയിനാണ് പരീക്ഷണ ഓട്ടത്തിനിടെ പാളംതെറ്റിയത്. കല്‍ക്കാജി മന്ദിര്‍-ബൊട്ടാണിക്കല്‍ ഗാര്‍ഡന്‍ ലൈന്‍ ഡിസംബര്‍ 25ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യാനിരിക്കെ മജന്ത ലൈനില്‍ കാളിന്ദി കുഞ്ച് മെട്രോ ഡിപ്പോക്കുള്ളില്‍ ഡ്രൈവര്‍ വേണ്ടാത്ത ട്രെയിൻ പാളം തെറ്റുകയായിരുന്നു.
ട്രാക്കില്‍ ബ്രേക്ക് സിസ്റ്റം പരിശോധിക്കുന്നതിനിടെ ട്രെയിന്‍ പാളം തെറ്റി ഡിപ്പോക്കുള്ളിലെ വാഷിങ് റാമ്ബിലേക്ക് മാറി മതില്‍ക്കെട്ടില്‍ ഇടിച്ചാണ് നിന്നത്. സംഭവത്തില്‍ ആര്‍ക്കും പരിക്കില്ലെന്നും അന്വേഷണത്തിന് ഉത്തരവിട്ടതായും ഡല്‍ഹി മെട്രോ ഉദ്യോഗസ്ഥന്‍ പറഞ്ഞു.
മെട്രോ റെയില്‍ സേഫ്റ്റി കമീഷണര്‍ കഴിഞ്ഞ മാസമാണ് 12.64 കിലോമീറ്റര്‍ ദൈര്‍ഘ്യമുള്ള ബോട്ടാണിക്കല്‍ ഗാര്‍ഡന്‍ -ജനക്പുരി വെസ്റ്റ് മെട്രോ പാതക്ക് സുരക്ഷാ അനുമതി നല്‍കിയത്. പുത്തന്‍ തലമുറ ഡ്രൈവറില്ല ട്രെയിനുകളാണ് ഈ ലൈനിലൂടെ ഒാടിക്കുന്നത്.
Post Your Comments