ആലുവ: കൊച്ചിയില്‍ മെട്രോയുടെ തൂണിലേക്ക് കാര്‍ ഇടിച്ച് കയറി മൂന്ന് പേര്‍ക്ക് ദാരുണാന്ത്യം. ആലുവ മുട്ടത്താണ് സംഭവം നടന്നത്. അപകടത്തില്‍ കോട്ടയം കുമാരനെല്ലൂര്‍ സ്വദേശികളായ തലവനാട്ട് മഠം ടി.ടി. രാജേന്ദ്രപ്രസാദ് (56), മകന്‍ ടി.ആര്‍. അരുണ്‍ പ്രസാദ് (32), മകളുടെ ഭര്‍തൃപിതാവ് ആലപ്പാട്ട് ചന്ദ്രന്‍ നായര്‍ എന്നിവര്‍ക്കാണ് ജീവന്‍ നഷ്ടമായത്.
ഇവര്‍ ചന്ദ്രന്റെ മകന്‍ ശ്രീരാജിനു വിദേശത്ത് പോകാനായി എയര്‍പോര്‍ട്ടിലേക്ക് പോയ ശേഷം മടങ്ങുന്ന വേളയിലാണ് അപകടം നടന്നത്. വിവരം അറിഞ്ഞ് ഷാര്‍ജയിലെത്തിയ ശ്രീരാജ് തിരിച്ച് നാട്ടില്‍ എത്തി. അതിരാവിലെ 2.20 നാണ് സംഭവം നടന്നത്. മുട്ടം തൈക്കാവ് പള്ളിക്കു മുമ്പിലായിരുന്നു അപകടമുണ്ടായത്.
Post Your Comments