തിരുവനന്തപുരം: പേടിയില്ലാതെ ഇന്ത്യയിൽ ജീവിക്കാൻ കഴിയുന്ന ഏകസംസ്ഥാനം കേരളമാണെന്ന് നടൻ പ്രകാശ് രാജ്. കേരള രാജ്യാന്തര ചലച്ചിത്രോത്സവത്തിന്റെ ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം. എഴുതി തയ്യാറാക്കിയ പ്രസംഗവുമായല്ല ഇവിടേക്ക് വന്നത്. കേരളത്തിലേക്ക് അങ്ങനെ വരേണ്ട കാര്യവുമില്ലെന്നും ആരെയും ഒന്നിനെയും ഭയക്കേണ്ടതില്ലെന്നും എന്തിനെ കുറിച്ചും ഇവിടെ സംസാരിക്കാമെന്നും പ്രകാശ് രാജ് പറയുകയുണ്ടായി.
ഒരു കലാകാരൻ ഉയർന്നുവരുന്നത് അയാളുടെ സർഗ്ഗവൈഭവം കൊണ്ടുമാത്രമല്ല, സമൂഹത്തിൽ നിന്ന് ലഭിക്കുന്ന സ്‌നേഹവും അംഗീകാരവും കൊണ്ടുകൂടിയാണ്. പ്രതിഷേധങ്ങളെ നിശബ്‌ദമാക്കുമ്പോൾ കൂടുതൽ ശക്തമായ ശബ്‌ദങ്ങൾ ഉയർന്നുവരുമെന്നും കലാകാരനെന്ന നിലയിൽ സ്വന്തം ശബ്‌ദം കേൾപ്പിക്കേണ്ടത് തന്റെ കടമയാണെന്നും പ്രകാശ് രാജ് വ്യക്തമാക്കി.
Post Your Comments