ഇനി വെറും യുവരാജ് അല്ല ഡോ.യുവരാജ് സിങ്

ന്യൂഡൽഹി: ക്രിക്കറ്റ് കളത്തിലെ സൂപ്പർ താരമായ യുവരാജ് ഇനി ഡോ.യുവരാജ് സിങ്. ഗ്വാളിയാറിലെ ​ഐ.ടി.എം സർവകലാശാലയാണ് ഇന്ത്യയുടെ എക്കാലത്തെയും മികച്ച താരങ്ങളിൽ ഒരാളായ യുവരാജിനു ഡോക്​ടറേറ്റ്​ (പി.എച്ച്​.ഡി) നൽകി ആദരിച്ചത്. അസാധാരണ കായിക ശൗര്യത്തി​ന്‍റെ പ്രതീകം, സമന്വയതത്തി​ന്‍റെയും വിനയത്തിന്‍റെയും പ്രേരക ശക്​തി എന്നാണ് താരത്തെ ഐ.ടി.എം സർവകലാശാല വിശേഷിപ്പിച്ചത്. ഒാണററി ഡോക്​ടറേറ്റ്​ ആദരം ഉത്തരവാദിത്വം വർധിച്ചതായി താരം പറഞ്ഞു.

യുവരാജിനു പുറമെ ഡോ.എ.എസ്​ കിരൺകുമാർ, ഗോവിന്ദ്​ നിഹലാനി, ഡോ. അശോക്​ വാജ്​പേയി, രജത്​ ശർമ, ഡോ. ആർ.എ മഷേൽകർ, അരുണ റോയ് എന്നിവരെയും ​ഐ.ടി.എം സർവകലാശാല ഡോക്​ടറേറ്റ്​ നൽകി ആദരിച്ചു.