മൂന്നു വയസ്സുകാരിയെ കാണാനില്ല ;അമ്മയുടെ സുഹൃത്ത് അറസ്റ്റിൽ

മൂന്ന് വയസ്സുകാരിയെ കാണാതായ സംഭവത്തിൽ ഒപ്പം താമസിക്കുന്ന അമ്മയുടെ സുഹൃത്ത് അറസ്റ്റിൽ.കുട്ടി മരിച്ചതാണെന്ന് പോലീസ് കരുതുന്നു.നോർത്ത് കരോളിനയിലാണ് സംഭവം.അമ്മയും രണ്ടു സഹോദരന്മാർക്കുമൊപ്പം അമ്മയുടെ സുഹൃത്തായ 32 വയസ്സുകാരന്റെ കൂടെയാണ് കാണാതായ പെൺകുട്ടി മരിയ വുഡ്‌സ് താമസിച്ചിരുന്നത് .അർധരാത്രി വരെയും കുട്ടി വീട്ടിൽ ഉണ്ടായിരുന്നെന്നും ഏകദേശം 1 ,മണിയ്ക്കും കുട്ടിയെ കണ്ടതാണെന്നും അതിനു ശേഷമാണു കാണാതായതെന്നും കുട്ടിയുടെ അമ്മയായ ക്രിസ്ടി പറയുന്നു .എന്നാൽ നാല് പേരുള്ള വീട്ടിൽ നിന്നും എങ്ങനെയാണു കുട്ടിയെ തട്ടിക്കൊണ്ടുപോകുന്നതെന്നും 3 വയസ്സുകാരിയെ തട്ടിക്കൊണ്ടുപോകുന്നത്അത്ര എളുപ്പമല്ലെന്നും കുട്ടിയുടെ അമ്മയുടെ മൊഴിയിൽ സംശയമുണ്ടെന്നും കുട്ടിയുടെ അച്ഛൻ പോലീസിനോട് പറഞ്ഞു .അന്വേക്ഷണത്തിൽ കുട്ടിയെ അവസാനമായി കണ്ടത് ഒപ്പം താമസിക്കുന്ന സുഹൃത്താണെന്ന് കണ്ടെത്തി .കുട്ടിയെ കാണതായി 5 ദിവസം കഴിഞ്ഞിട്ടും യാതൊരു തെളിവും പോലീസിന് ലഭിക്കാത്ത സാഹചര്യത്തിലാണ് അമ്മയുടെ ആൺ സുഹൃത്തിനെ പോലീസ് അറസ്റ് ചെയ്തത് .