ഒരു ഫോട്ടോ കാരണം ഭാര്യ ഭർത്താവിനെ ഉപേക്ഷിച്ചിരിക്കുന്നു.അതിന്റെ കാരണമറിഞ്ഞാൽ തീർച്ചയായും അമ്പരപ്പുണ്ടാകും. തീര്‍ത്തും വ്യത്യസ്തമായ ഒരു വിവാഹമോചനം നടന്നിരിക്കുകയാണ് റഷ്യയില്‍. ഫോട്ടോയില്‍ പ്രത്യേകിച്ച് ഒന്നുമില്ല. നഗരത്തിലൂടെ പോകുന്ന ചില വാഹനങ്ങളുടെ ദൂരക്കാഴ്ച ആയിരുന്നു അത്. എന്നാൽ അതിന്റെ പിന്നിൽ ഒരു വലിയ സംഭവം ഒളിച്ചിരിക്കുന്നത് ഭാര്യ കണ്ടെത്തി. യൂലിയ അഗ്രനോവിച്ച് എന്ന സ്ത്രീ ആണ് വിവാഹമോചനം നടത്തി വാര്‍ത്തകളില്‍ ഇടം നേടിയത്.
തന്റെ ബെഡ്‌റൂമിലെ ജനലിനരികിൽ നിന്നു മാത്രം ലഭിക്കുന്ന നഗരത്തിന്റെ വ്യൂ, മറ്റൊരു സ്ത്രീയുടെ കാമറയില്‍ പതിഞ്ഞു. ആ ഫോട്ടോയാണ് ഒരു ദിവസം ഇന്‍സ്റ്റഗ്രാമില്‍ വെറുതെ സ്‌ക്രോള്‍ ചെയ്തുകൊണ്ടിരിക്കുമ്പോള്‍ യൂലിയ കണ്ടത്. ഉടന്‍ തന്നെ ആ സ്ത്രീയുടെ എല്ലാ ഇന്‍സ്റ്റഗ്രാം പോസ്റ്റുകളും അവര്‍ പരിശോധിച്ചു. തന്റെ ബെഡ്‌റൂം വിന്‍ഡോയില്‍ നിന്നും മാത്രമെടുക്കാന്‍ സാധിക്കുന്ന തരത്തിലുള്ള നിരവധി ഫോട്ടോകള്‍ അവർ ഇതിൽ കണ്ടെത്തി. അതോടെ പ്രതി ഭര്‍ത്താവ് തന്നെഎന്നും അയാൾ ഇതുവരെ തന്നെ വഞ്ചിക്കുകയാണെന്നും യൂലിയ മനസിലാക്കി.
ഭര്‍ത്താവിന്റെ കാമുകിയുടെ ഇന്‍സ്റ്റഗ്രാം ഫോട്ടോയ്ക്ക് താഴെ യൂലിയ ബ്യൂട്ടിഫുള്‍ വ്യൂ ഫ്രം മൈ ഹസ്ബന്‍ഡ്‌സ് ബെഡ്‌റൂം എന്ന് കമന്റുമിട്ടു. ഇതോടെ കഥ മാറി. നാസര്‍ ഗ്രൈന്‍കോയെന്നാണ് ഭര്‍ത്താവിന്റെ പേര്. ഫോട്ടോയെടുത്ത സ്ത്രീയെയും സുഹൃത്തുക്കളെയും വീട് കാണാന്‍ വിളിച്ചപ്പോള്‍ അവര്‍ എടുത്ത ഫോട്ടോയാകും എന്നെല്ലാം ഭര്‍ത്താവ് നമ്പറുകള്‍ ഇറക്കിയെങ്കിലും അതൊന്നും ഏറ്റില്ല. കൂടാതെ ഭര്‍ത്താവിന് നിരവധി സ്ത്രീകാലുമായി ബന്ധമുള്ളതായും യൂലിയ കണ്ടെത്തി.
മാത്രമല്ല അവര്‍ക്കൊന്നും ഇദ്ദേഹം വിവാഹിതനാണെന്ന കാര്യം അറിയുകയുമില്ല. വിവാഹമോചനം എന്ന ഏക പോംവഴി മാത്രമേ യൂലിയക്ക് മുന്നിലുണ്ടായിരുന്നുള്ളൂ.
എന്തായാലും യൂലിയയുടെ വിവാഹ ജീവിതം തകര്‍ത്ത ആ ഫോട്ടോ അതോടെ ഇന്‍സ്റ്റഗ്രാമില്‍ വൈറലായിക്കൊണ്ടിരിക്കുകയാണ്. ഒരു റഷ്യന്‍ ചാനലിനോട് തന്റെ അനുഭവങ്ങള്‍ യൂലിയ പങ്കുവെക്കുകയും ഇതുപോലെ ചെയ്യുന്ന ഭര്‍ത്താക്കന്‍മാരെ സ്ത്രീകള്‍ ഡിവോഴ്‌സ് ചെയ്യണമെന്ന് ആഹ്വാനം നല്‍കുകയും ചെയ്തു.
Post Your Comments