ടോക്കിയോ: മനുഷ്യ അസ്ഥികൂടങ്ങളുമായി കപ്പലുകള്‍ ഒഴുകിയെത്തുന്നു. നാലു കപ്പലുകളുടെ അവശിഷ്ടമാണ് കഴിഞ്ഞ ഒരു മാസത്തിനുള്ളില്‍ ജപ്പാന്റെ പടിഞ്ഞാറന്‍ തീരത്ത് എത്തിയത്. ഇവ ഉത്തര കൊറിയയില്‍ നിന്ന് ഒഴുകിയെന്ന കപ്പലുകളാണ് എന്നാണ് സംശയിക്കുന്നത്.
എട്ട് അസ്ഥികൂടങ്ങളാണ് ഹോംഷു ദ്വീപിലെ മിയാസവ തീരത്ത് ഒഴുകിയെത്തിയ തടി ബോട്ടില്‍ മാത്രം ഉണ്ടായിരുന്നത്. ഒഴുകി നടക്കുന്ന നിലയില്‍ കണ്ടെത്തിയ ബോട്ട് തീരത്തടിഞ്ഞതോടെ വെള്ളിയാഴ്ച പരിശോധന നടത്തുകയായിരുന്നു. എന്നാല്‍ ഉത്തര കൊറിയയില്‍ നിന്നുള്ളതാണ് ബോട്ടെന്ന് അധികൃതര്‍ സ്ഥിരീകരിച്ചിട്ടില്ല.
ജപ്പാന്റെ തീരത്തടിയുന്ന ബോട്ടുകളുടെ എണ്ണം കഴിഞ്ഞ നാലു വര്‍ഷത്തിനിടെ വര്‍ധിച്ചിരിക്കുകയാണ്. ഉത്തരകൊറിയയില്‍ മത്സ്യബന്ധന വ്യവസായം വിപുലപ്പെടുത്തിയതോടെ മീന്‍പിടിക്കല്‍ പരിചയമില്ലാത്തവര്‍ പോലും അതിനായി നിര്‍ബന്ധിതരായതാണ് അപകടത്തില്‍ എത്തിച്ചതെന്നാണ് നിഗമനം.
Post Your Comments