തിരുവനന്തപുരം: കാട്ടാക്കടയില്‍ സിപിഎം ബ്രാഞ്ച് കമ്മിറ്റി അംഗത്തെ അക്രമിച്ച കേസില്‍ 2 എസ്‍ഡിപിഐ പ്രവര്‍ത്തകര്‍ അറസ്റ്റില്‍.സിസിടിവി ദൃശ്യങ്ങള്‍ ആണ് സംഭവത്തിൽ നിർണ്ണായകമായത്. കാട്ടാക്കട സ്വദേശിയും ദേശാഭിമാനി ഏജന്‍റുമായ ശശികുമാറാണ് ആക്രമണത്തിന് ഇരയായത്. ഇക്കഴിഞ്ഞ പത്തൊന്‍പതാം തീയതി കാട്ടാക്കട മൊളിയൂര്‍ റോഡിലായിരുന്നു ആക്രമണം ഉണ്ടായത്.
ബൈക്കില്‍ സഞ്ചരിച്ചിരുന്ന ശശികുമാറിനെ അടിച്ചുവീഴ്ത്തുകയായിരുന്നു. വീണിടത്തുനിന്ന് എണീറ്റ് ഓടി രക്ഷപ്പെടാന്‍ ശ്രമിക്കുന്നതിനിടെ ഇരുമ്പു ദണ്ഡ് ഓങ്ങി അക്രമി സംഘം പിന്നാലെ ഓടി ആക്രമിക്കുകയായിരുന്നു. ഇതെല്ലം സി സി ടി വി ദൃശ്യങ്ങളിൽ വ്യക്തമായിരുന്നു.
നേമം പുതിയ കാരയ്ക്കാമണ്ഡപം സ്വദേശിയായ അല്‍ അമീന്‍(28 ), അര്‍ഷാദ് (25 ) എന്നീ എസ്.ഡി.പി ഐ.പ്രവര്‍ത്തകരായ യുവാക്കളാണ് പിടിയിലായത്. പ്രതികളെ റിമാന്‍ഡ് ചെയ്തു.
Post Your Comments