മാധ്യമപ്രവര്‍ത്തകനെ ജവാന്‍ വെടിവച്ചു കൊന്നു.ത്രിപുരയിലാണ് സംഭവം . സംഭവുമായി ബന്ധപ്പെട്ട് ത്രിപുര സ്റ്റേറ്റ് റൈഫിള്‍സ് ജവാന്‍ നന്ദ റിയാംഗ് അറസ്റ്റിലായി. മുതിര്‍ന്ന മാധ്യമപ്രവര്‍ത്തകന്‍ സുദീപ് ദത്ത ഭൗമിക്കാണ് കൊല്ലപ്പെട്ടത്.
അഗര്‍ത്തല കേന്ദ്രമായി പ്രവര്‍ത്തിക്കുന്ന ബംഗാളി ദിനപത്രം ചാന്ദന്‍ പത്രികയിലെ മുതിര്‍ന്ന മാധ്യമപ്രവര്‍ത്തകനായിരുന്നു സുദീപ് ദത്ത.വാര്‍ത്തയുമായി ബന്ധപ്പെട്ട് രണ്ടാം ബറ്റാലിയന്‍ കമാന്‍ഡന്‍റ് തപന്‍ ഡെബാര്‍മയെ സന്ദര്‍ശിക്കാനെത്തിയ സുദീപ് ദത്തയുമായി തപന്‍ ഡെബാര്‍മയുടെ മേശപ്പുറത്തുണ്ടായിരുന്ന ഫയല്‍ കാണാതായതു സംബന്ധിച്ച് ജവാന്‍ നന്ദ റിയാംഗ് വാക്കു തർക്കത്തിലേർപ്പെടുകയും തര്‍ക്കം രൂക്ഷമാകുകയും നന്ദ റിയാം തന്‍റെ സര്‍വീസ് റിവോള്‍വര്‍ ഉപയോഗിച്ച്‌ സുദീപിനെതിരെ നിറയൊഴിക്കുയുമായിരുന്നു. സംഭവത്തില്‍ സര്‍ക്കാര്‍ അന്വേഷണത്തിന് ഉത്തരവിട്ടിട്ടുണ്ട്.
Post Your Comments