ഖത്തറിൽ റോഡ് മുറിച്ച് കടക്കവേ കാറിടിച്ച് രണ്ടു മലയാളികൾക്ക് ദാരുണാന്ത്യം

ദോഹ ; റോഡ് മുറിച്ച് കടക്കവേ കാറിടിച്ച് രണ്ടു മലയാളികൾക്ക് ദാരുണാന്ത്യം. അലി ഇന്റർനാഷനൽ ട്രേഡിങ് ജീവനക്കാരായ മലപ്പുറം തിരൂർ തെക്കൻകൂറ്റൂർ പറമ്പത്ത് ഹൗസിൽ മുഹമ്മദ് അലി(42), കോഴിക്കോട് ഒളവണ്ണ ജിഎ കോളജ് കുളങ്ങര പറമ്പ വടക്കഞ്ചേരി പ്രവീൺ കുമാർ(52) എന്നിവരാണു വാഹനമിടിച്ച് മരിച്ചത്. നടപടിക്രമങ്ങൾക്കു ശേഷം മൃതദേഹങ്ങൾ നാട്ടിലെത്തിക്കുമെന്നും അലി ഇന്റർനാഷനലിന്റെ എല്ലാ സ്ഥാപനങ്ങൾക്കും ഇന്ന് അവധിയായിരിക്കുമെന്ന് മാനേജ്‌മെന്റ് അറിയിച്ചു.