കാട്ടാക്കട ; ഡിവൈഎഫ്ഐ പ്രവർത്തകന്‍റെ വീട്ടിൽ ബോംബെറിഞ്ഞു. ഇന്നലെ രാത്രി പതിനൊന്ന് മണിയോടെ കാട്ടാക്കടയിൽ ഡിവൈഎഫ്ഐ ജില്ലാ സെക്രട്ടറി ഐ.സാജുവിന്‍റെ കിള്ളിയിലുള്ള വീടിനു നേരെയാണ് ബൈക്കിലെത്തിയ സംഘം ബോംബെറിഞ്ഞത്. കിടപ്പുമുറിക്കു നേരെയായിരുന്നു ആക്രമണമെന്നും ആക്രമണത്തിൽ വീടിന്‍റെ മുൻവശത്തെ ജനൽ ചില്ലുകൾ തകർന്നെന്നും സാജു പറഞ്ഞു.
വെള്ളിയാഴ്ച രാത്രി ഒരു സംഘം കിള്ളിയിൽ സ്ഥാപിച്ചിരുന്ന സിപിഎമ്മിന്‍റെ ഫ്ലക്സ് ബോർഡുകൾ തകർത്തിരുന്നു. ഇതിനു പിന്നാലെയാണു ഡിവൈഎഫ്ഐ ജില്ലാ സെക്രട്ടറിയുടെ വീട്ടിൽ ആക്രമണം ഉണ്ടായത്.
Post Your Comments