സംസ്ഥാനത്ത് ചില പ്രദേശങ്ങളില്‍ നേരിയ ഭൂചലനം

തൊടുപുഴ: സംസ്ഥാനത്ത് ചില പ്രദേശങ്ങളില്‍ നേരിയ ഭൂചലനം.ഇടുക്കിയില്‍ അണക്കെട്ടിനോടു ചേര്‍ന്നുള്ള പ്രദേശങ്ങളില്‍ തിങ്കളാഴ്ച പുലര്‍ച്ചെ 4.48നാണ് ഭൂചലനം അനുഭവപ്പെട്ടത്. റിക്ടര്‍ സ്കെയിലില്‍ 2.86 തീവ്രതിലാണ് ഭൂചലനം അനുഭവപ്പെട്ടത്.

നാശനഷ്ടങ്ങളോ ആളപായമോ ഇല്ല. അണക്കെട്ടുകളെ ഭൂചലനം ബാധിച്ചിട്ടില്ലെന്നു കെഎസ്‌ഇബി അറിയിച്ചു. ചെറുതോണി, മൂലമറ്റം, കുളമാവ് എന്നിവിടങ്ങളിലാണ് പ്രകമ്ബനമുണ്ടായത്. കുളമാവ് വനത്തിലുളളിലാണു പ്രഭവ കേന്ദ്രം. അഞ്ചു മുതല്‍ ഏഴു സെക്കന്‍ഡു വരെ നീണ്ടു നിന്നു.