ഗുജറാത്ത് നിയമസഭാ തിരഞ്ഞെടുപ്പില്‍ ബി.ജെ.പി ജയിക്കുമെന്ന് ബീഹാര്‍ മുഖ്യമന്ത്രി നിതീഷ് കുമാര്‍. പ്രധാനമന്ത്രി നരേന്ദ്രമോഡിയുടെ സംസ്ഥാനമാണ് ഗുജറാത്ത്. അതു കൊണ്ട് അവിടെ ബിജെപി വളരെ എളുപ്പത്തില്‍ ജയിക്കുമെന്നു അദ്ദേഹം പറഞ്ഞു. കഴിഞ്ഞ മൂന്ന് മാസത്തിനിടെ ഇതു രണ്ടാം തവണയാണ് ജെഡിയു ദേശീയ അധ്യക്ഷനും ബീഹാര്‍ മുഖ്യമന്ത്രിയുമായ നിതീഷ് കുമാര്‍ മോഡിയെ പ്രശംസിക്കുന്നത്.
2019 ല്‍ നടക്കുന്ന തെരഞ്ഞെടുപ്പില്‍ ആരെങ്കിലും മോഡിയെ തോല്‍പ്പിക്കുമോ? നിതീഷ് ചോദിച്ചു. ലാലു തന്റെ മകനായ ത്വേജസി യാദവിനെയും കുടുംബത്തിലെ മറ്റു അംഗങ്ങളെയും ദുഷിപ്പിച്ചു. ഒരു ദിവസം മുന്‍പ് ത്വേജസിയെ ആര്‍ജെഡി അധ്യക്ഷനായ ലാലു പ്രസാദ് യാദവ് ബീഹാറില്‍ വരുന്ന തെരഞ്ഞെടുപ്പിലെ മുഖ്യമന്ത്രി സ്ഥാനാര്‍ത്ഥിയായി പ്രഖ്യാപിച്ചിരുന്നു. ഇതിനെക്കുറിച്ച് മാധ്യമങ്ങള്‍ ചോദിച്ച അവസരത്തിലാണ് ലാലു പ്രസാദ് യാദവിനെ എതിരെ നിതീഷ് കുമാര്‍ സംസാരിച്ചത്.
ഗുജറാത്ത്, ഹിമാചല്‍ തെരഞ്ഞെടുപ്പുകള്‍ നിന്ന് 2019 ലെ ലോക്‌സഭാ തിരഞ്ഞെടുപ്പിന് മുമ്പുള്ള സെമി ഫൈനലാണ് എന്നും അദ്ദേഹം കൂട്ടിച്ചേര്‍ത്തു.
Post Your Comments