മലപ്പുറം: ഡിപ്പോയില്‍ തിരിമറി നടത്തിയ കണ്ടക്ടറെ പോലീസ് പിടികൂടി. മലപ്പുറം കെഎസ്ആര്‍ടിസി ഡിപ്പോയിലാണ് കണ്ടക്ടര്‍ സാമ്പത്തിക തിരിമറി നടത്തി പണം തട്ടിയത്. കോട്ടയം മറ്റംകര കരിമ്പനി കിഴക്കേമുറിയില്‍ രാജേഷ് രാധാകൃഷ്ണ (29)നെയാണ് സംഭവുമായി ബന്ധപ്പെട്ട് പോലീസ് പിടികൂടിയത്. മലപ്പുറം പോലീസിലെ സ്‌പെഷല്‍ സ്‌ക്വാഡിന്റെ നേതൃത്വത്തിലാണ് ഇദ്ദേഹത്തെ അറസ്റ്റു ചെയ്തത്.
മലപ്പുറം ഡിപ്പോയിൽ 2013-14 വര്‍ഷത്തിലാണ് രാജേഷ് ജോലി ചെയ്തത്. കളക‌്ഷന്‍ സംബന്ധിച്ച് ഇദ്ദേഹം കള്ളക്കണക്കുണ്ടാക്കി. ഇങ്ങനെ അനവധി ദിവസങ്ങളില്‍ രാജേഷ് കൃത്യമായി കളക‌്ഷന്‍ തുക ഡിപ്പോയില്‍ നല്‍കയില്ല. സംഭവം ശ്രദ്ധയില്‍പ്പെട്ട കെഎസ്ആര്‍ടിസി അധികൃതർ മലപ്പുറം പോലീസിനു 2015 ൽ പരാതി നല്‍കി. പോലീസ് അറസ്റ്റ് ചെയുന്ന സാഹചര്യം വന്നപ്പോൾ അന്നു രാജേഷ് മുങ്ങി. ഇദ്ദേഹത്തെ കെഎസ്ആര്‍ടിസിയില്‍ നിന്നു പിരിച്ചുവിട്ടിരുന്നു. രണ്ടു വർഷമായി ഒളവിൽ കഴിയുകയായിരുന്നു രാജേഷ്. ഇദ്ദേഹത്തെ എറണാകുളത്ത് നിന്നുമാണ് പോലീസ് പിടിച്ചത്.
Post Your Comments