ഹൈദരാബാദ്: പ്രണയംനടിച്ചു പെണ്‍കുട്ടിയെ വഞ്ചിച്ച കേസില്‍ ബാഹുബലിയിൽ വളർത്തച്ഛൻ ആയി അഭിനയിച്ച നടനെ അറസ്റ്റ് ചെയ്തു. ഹൈദരാബാദിലെ ഐമാക്സ് മള്‍ട്ടിപ്ലക്സിന്‍റെ ഉടമ കൂടിയാണ് വെങ്കട് പ്രസാദ്. ജൂബിലി ഹിൽസ് പോലീസ് ആണ് വെങ്കട് പ്രസാദ് എന്ന മഹേന്ദ്ര ബാഹുബലിയുടെ വളർത്തച്ഛനെ അറസ്റ്റ് ചെയ്തത്. എസ്.എസ്.രാജമൗലിയൊരുക്കിയ ബ്രഹ്മാണ്ഡചിത്രം ബാഹുബലിയില്‍ നായക കഥാപാത്രമായ പ്രഭാസിന്‍റെ വളര്‍ത്തച്ഛന്‍റെ വേഷത്തിലാണ് വെങ്കട് പ്രസാദെത്തിയത്.
വെങ്കട് ഒരു വര്‍ഷമായി ലൈംഗികമായി പീഡിപ്പിച്ചെന്നു കാട്ടിയാണ് യുവതി പോലീസില്‍ പരാതി നല്‍കിയത്. എന്നാൽ അടുത്തിടെ വിവാഹത്തിൽ നിന്ന് ഇയാൾ പിന്മാറുകയും യുവതിയെ ഭീഷണിപ്പെടുത്തുകയുമായിരുന്നു.യുവതിയുടെ പരാതിയുടെ അടിസ്ഥാനത്തില്‍ പോലീസ് വെങ്കട് പ്രസാദിനെ കസ്റ്റഡിയിലെടുത്തു. ഇയാളെ ചോദ്യം ചെയ്യുകയാണെന്നു പോലീസ് അറിയിച്ചു.
എന്നാൽ വെങ്കട് പ്രസാദിനോട് അടുത്ത വൃത്തങ്ങൾ പറയുന്നത് ഇത് യുവതിയുടെ കള്ളക്കേസ് ആണെന്നും കുടുക്കിയതാണെന്നുമാണ്. സത്യാവസ്ഥ പുറത്തു വരാനിരിക്കുന്നതേയുള്ളൂ. അറിയപ്പെടുന്ന ബിസിനസ്സ് കാരൻ കൂടിയാണ് വെങ്കട് പ്രസാദ്.
Post Your Comments