വീണ്ടും തോമസ് ചാണ്ടിയുടെ വെല്ലിവിളി

ആലപ്പുഴ : ഭൂമി കൈയേറ്റ വിവാദങ്ങൾക്കിടെ വീണ്ടും വെല്ലുവിളിയുമായി തോമസ് ചാണ്ടി രംഗത്ത്.കാനം രാജേന്ദ്രൻ നയിക്കുന്ന ജനജാഗ്രത യാത്രയുടെ കുട്ടനാട്ടിലെ സ്വീകരണ യോഗത്തിൽ പങ്കെടുക്കുമ്പോഴാണ് ഭൂമി കയ്യേറ്റ വിഷയത്തിൽ മന്ത്രി വീണ്ടും പ്രതിപക്ഷത്തെ വെല്ലുവിളിച്ചത്.

നിയമസഭയിൽ പ്രതിപക്ഷ നേതാവിന്‍റെ മുഖത്ത് നോക്കി തനിക്കെതിരേ ഉയർന്ന ആരോപണങ്ങളുടെ പേരിൽ നടത്തിയ വെല്ലുവിളി ഇതുവരെ അവർ സ്വീകരിച്ചിട്ടില്ലെന്നും അന്വേഷണത്തിൽ തനിക്കെതിരേ ഒന്നും കണ്ടെത്താൻ കഴിഞ്ഞിട്ടില്ലെന്നും മന്ത്രി പറഞ്ഞു. സ്വകാര്യ വാർത്താ ചാനലിലെ ഉന്നതനാണ് തനിക്കെതിരേ ഉയർന്ന ഭൂമി കൈയേറ്റ വാർത്തകൾക്ക് പിന്നിലെന്നും തോമസ് ചാണ്ടി ആരോപിച്ചു.