വിമാന യാത്ര നടത്തിയ എല്ലാവര്‍ക്കും ഗ്യാലക്‌സി നോട്ട് 8 സമ്മാനമായി നല്‍കി. സാംസങ്ങാണ് വിമാനത്തില്‍ യാത്ര നടത്തിയവര്‍ക്കു തങ്ങളുടെ പുതിയ മോഡല്‍ സമ്മാനമായി നല്‍കിയത്. സംസങ്ങിനു തലവേദന സൃഷ്ടിച്ച ഫോണ്‍ മോഡലാണ് ഗ്യാലക്‌സി നോട്ട് 7. ഈ മോഡല്‍ പല സ്ഥലങ്ങളിലും പൊട്ടിത്തെറിച്ചതായി റിപ്പോര്‍ട്ടുകള്‍ വന്നിരുന്നു. ഇതിനെ തുടര്‍ന്ന് ഈ മോഡല്‍ സാംസങ്ങ് പിന്നീട് വിപണിയില്‍ നിന്നും പിന്‍വലിച്ചിരുന്നു. ഈ മോഡലിന്റെ പ്രശ്‌നങ്ങള്‍ പരിഹരിച്ച് പുതിയ സംവിധാനങ്ങള്‍ ഒരുക്കി സാംസങ്ങ് അവതരിപ്പിച്ച പുതിയ മോഡലാണ് ഗ്യാലക്‌സി നോട്ട് 8. ഒരു വര്‍ഷത്തിനു ശേഷമാണ് സാംസങ്ങ് പുതിയ മോഡല്‍ വിപണിയില്‍ എത്തിക്കുന്നത്.
ഈ മോഡലിന്റെ പ്രചാരണാര്‍ത്ഥമാണ് വിമാന യാത്ര നടത്തിയ എല്ലാവര്‍ക്കും ഗ്യാലക്‌സി നോട്ട് 8 സമ്മാനമായി നല്‍കിയത്. സ്‌പെയില്‍ നിന്നും പുറപ്പെട്ട യാത്ര വിമാനത്തിലാണ് സംഭവം നടന്നത്. ഈ വിമാനത്തില്‍ സഞ്ചരിച്ച 200 യാത്രക്കാര്‍ക്കും ഗ്യാലക്‌സി നോട്ട് 8 സമ്മാനിച്ചു. ആയിരം ഡോളര്‍ (ഏകദേശം 64,000 രൂപ) വില വരുന്ന ഈ മോഡല്‍ സമ്മാനിച്ചത് വഴി ഫോണ്‍ സുരക്ഷിതമാണെന്നു ആളുകളെ ബോധ്യപ്പെടുത്താനാണ് നീക്കം. വിമാനത്തിലെ ജീവനക്കാരാണ് യാത്രക്കാര്‍ക്കു ഇതു സമ്മാനിച്ചത്.
Post Your Comments