കണ്ണൂര്‍: ഐഎസുമായി ബന്ധപ്പെട്ട് കണ്ണൂരിൽ നിന്നും വീണ്ടും അറസ്റ്റ്. ഐ എസ് ബന്ധമുള്ള നാലുപേരെകൂടി കണ്ണൂരില്‍ പോലീസ് അറസ്റ്റ് ചെയ്തു. ചക്കരക്കല്ലില്‍ നിന്ന് രണ്ടുപേരെയും വളപട്ടണത്ത് നിന്ന് രണ്ടു പേരെയുമാണ് അന്വേഷണ സംഘം പിടികൂടിയത്. ഐഎസുമായി ബന്ധപ്പെട്ട് കഴിഞ്ഞദിവസം അറസ്റ്റിലായ അഞ്ചുപേരുമായി ഇവര്‍ക്കു ബന്ധമുള്ളതായി പോലീസ് സ്ഥിരീകരിച്ചിട്ടുണ്ട്.
ഇവരെ ചോദ്യം ചെയ്തുവരികയാണ്. പാസ്പോര്‍ട്ട്, വീസ, യാത്രാരേഖകള്‍ എന്നിവ സംഘടിപ്പിച്ച്‌ കൊടുത്തതില്‍ പങ്കു വഹിച്ചവരാണ് ഇപ്പോൾ അറസ്റ്റിലായവർ. കണ്ണൂരിലെ ചില ട്രാവല്‍ ഏജന്‍സികളില്‍ അന്വേഷണ സംഘം കഴിഞ്ഞദിവസം പരിശോധന നടത്തിയിരുന്നു. ഡിവൈഎസ്പി പി.പി. സദാനന്ദന്‍റെ നേതൃത്വത്തിലുള്ള പ്രത്യേക സംഘമാണ് കേസന്വേഷിക്കുന്നത്.
പ്രതീകാത്മക ചിത്രം;
Post Your Comments