മോ​ട്ടോ​ര്‍ വാ​ഹ​ന​വ​കു​പ്പിനു കർശന നിർദേശവുമായി കി​ര​ണ്‍ ബേ​ദി

പു​തു​ച്ചേ​രി: പു​തു​ച്ചേ​രി​യി​ലെ വാ​ഹ​ന ര​ജി​സ്ട്രേ​ഷ​നെ സംബന്ധിച്ച് സുപ്രധാന തീരുമാനവുമായി ല​ഫ്റ്റ​ന​ന്‍റ് ഗ​വ​ര്‍​ണർ കി​ര​ണ്‍ ബേ​ദി രംഗത്ത്. നിരവധി വാഹനങ്ങളാണ് പു​തു​ച്ചേ​രിയി​ല്‍ വ്യാ​ജ വി​ലാ​സം കാണിച്ച് ര​ജി​സ്റ്റ​ര്‍ ചെയുന്നത്. ഇതിലൂടെ വലിയ നികുതി വെട്ടിപ്പ് നടക്കുന്നതിനെ തുടര്‍ന്ന് ഇതുമായി ബന്ധപ്പെട്ട പരിശോധന ശക്തമാക്കാൻ കി​ര​ണ്‍ ബേ​ദി നി​ര്‍​ദേ​ശം നല്‍​കി. ഇനി മുതൽ പു​തു​ച്ചേ​രി​യിൽ ര​ജി​സ്ട്രേഷൻ നടത്തുന്ന വാ​ഹ​നങ്ങൾക്കു കൃത്യമായ രേഖയുണ്ടെന്നു ഉറപ്പുവരുത്തണമെന്നും ല​ഫ്റ്റ​ന​ന്‍റ് ഗ​വ​ര്‍​ണർ മോ​ട്ടോ​ര്‍ വാ​ഹ​ന​വ​കു​പ്പി​നെ അറിയിച്ചിട്ടുണ്ട്.

സിനിമാ താരങ്ങളായ ഫ​ഹ​ദ് ഫാ​സി​ല്‍, അ​മ​ല പോ​ള്‍ തുടങ്ങിയവരുടെ വാ​ഹ​ന ര​ജി​സ്ട്രേ​ഷ​നെ സംബന്ധിച്ച് പുതിയ വിവരങ്ങൾ പുറത്ത് വന്നിരുന്നു. ഇവരുടെ വാഹനങ്ങൾ നികുതി വെട്ടിക്കാനായി പു​തു​ച്ചേ​രിയി​ല്‍ ര​ജി​സ്റ്റ​ര്‍ ചെയ്തു എന്നാണ് വാർത്തകൾ വന്നത്. ഇതേ തുടർന്നാണ് നടപടി കർശനമാക്കാൻ ല​ഫ്റ്റ​ന​ന്‍റ് ഗ​വ​ര്‍​ണർ തീരുമാനിച്ചത്