പേരാമ്പ്ര: ഇന്നു വിദേശത്തേക്കു പോകാനിരുന്ന പ്രതിശ്രുത വരനോടൊപ്പം ബൈക്കിൽ യാത്ര ചെയ്ത യുവതി ബൈക്കിൽ നിന്ന് തെറിച്ചു വീണ് മരിച്ചു. അരിക്കുളം ഉൗരള്ളൂരിലെ പരേതനായ പുളിയുള്ളതിൽ മൊയ്തിയുടെയും ആസ്യയുടെയും മകൾ റഹീന(19)യാണ് മരിച്ചത്. പേരാമ്പ്ര ദാറുന്നുജൂം കോളജിലെ രണ്ടാം വർഷ സൈക്കോളജി വിദ്യാർഥിയായ റഹീനയെ കോളജിൽ നിന്നു വെള്ളിയൂരിലെ വീട്ടിലേക്കു കൂട്ടി വരുമ്പോഴായിരുന്നു അപകടം. തെറിച്ച് റോഡിൽ വീണ റഹീനയുടെ ശരീരത്തിലൂടെ കാർ കയറിയിറങ്ങുകയായിരുന്നു.
ആബിദ് ഇന്നു വിദേശത്തേക്കു പോകാൻ തയാറെടുക്കുകയായിരുന്നു. പരുക്കേറ്റ ഇരുവരെയും മൊടക്കല്ലൂർ മെഡിക്കൽ കോളജിൽ എത്തിച്ചെങ്കിലും റഹീനയെ രക്ഷിക്കാനായില്ല. ആബിദിനു നിസ്സാര പരിക്കുണ്ട്.
Post Your Comments