അടിമാലി: പത്താം ക്ലാസ് വിദ്യാർഥികൾക്കു ക്രൂര മർദനം. സീനിയർ വിദ്യാർഥികളാണ് ഇവരെ മർദിച്ചത്. 10ാം ക്ലാസിൽ പഠിക്കുന്ന അടിമാലി എസ്എൻഡിപി സ്കൂളിലെ വിദ്യാർഥികളാണ് മർദനത്തിനു ഇരയായത്. ഇതേ സ്ക്കൂളിലെ ഹയർ സെക്കന്‍ററി വിദ്യാർഥികളാണ് മർദിച്ചത്. സംഭവത്തെ തുടർന്ന് രണ്ടു വിദ്യാർഥികളെ അടിമാലി താലൂക്കാശുപത്രിയിൽ പ്രവേശിപ്പിച്ചിരിക്കുകയാണ്.
പത്തിലധികം വിദ്യാർഥികൾ ചേർന്നാണ് തങ്ങളെ മർദിച്ചത് എന്നു മർദനമെറ്റ കുട്ടികൾ പറഞ്ഞു. സ്വകാര്യ ബസിൽ യാത്ര ചെയുന്നതിനിടെ ഉണ്ടായ തർക്കമാണ് മർനത്തിൽ കലാശിച്ചത്. ആശുപത്രിയിൽ ചികിത്സയിൽ കഴിയുന്ന വിദ്യാർഥികളെ നിർബന്ധിപ്പിച്ച് ഡിസ്ചാർജ് ചെയ്യിപ്പിക്കാനായി ശ്രമിച്ചതായി ആരോപണമുണ്ട്. വിദ്യാർഥികൾക്കു വയറിനും നെഞ്ചിനും പരിക്കേറ്റിട്ടുണ്ട്.
മർദന വിവരം അറിഞ്ഞ് എത്തിയ മാധ്യമ പ്രവർത്തകരെ തടയാനും ഭീഷണിപ്പെടുത്തി തിരിച്ച് അയ്ക്കാനും ശ്രമം നടന്നു.
Post Your Comments