ഭോപ്പാല്‍: മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്റെ പ്രസ്താവനയ്ക്ക് ട്വിറ്ററില്‍ വൻ ട്രോള്‍. മധ്യപ്രദേശിലെ റോഡുകള്‍ക്ക് അമേരിക്കയിലെ റോഡുകളെക്കാള്‍ നിലവാരമുണ്ടെന്ന പ്രസ്താവനയ്ക്കാണ് ട്രോളുകൾ ഏറ്റുവാങ്ങേണ്ടി വന്നത്. മധ്യപ്രദേശിലെ റോഡുകൾ അമേരിക്കയിലെ റോഡുകളെക്കാള്‍ നിലവാരമുള്ളതാണ്. അങ്ങനെയാണ് താന്‍ വാഷിങ്ടണ്‍ റോഡുകളിലൂടെ യാത്ര ചെയ്യുമ്പോള്‍ തോന്നിയതെന്നുമായിരുന്നു ചൗഹാന്റെ പരാമര്‍ശം.
അതോടെ ട്വിറ്ററില്‍ മധ്യപ്രദേശിലെ റോഡിന്റെ നിലവാരത്തെ കുറിച്ച് ട്രോളുകള്‍ ഉയര്‍ന്നു തുടങ്ങി. പലരും ട്വിറ്ററില്‍ കുണ്ടും കുഴിയും നിറഞ്ഞ മധ്യപ്രദേശിലെ റോഡുകളുടേതെന്ന് അവകാശപ്പെടുന്ന ചിത്രം പോസ്റ്റ് ചെയ്തു മറ്റു ചിലരാകട്ടെ, മധ്യപ്രദേശില്‍ റോഡില്‍ പശു നടക്കുന്ന ചിത്രമാണ് പോസ്റ്റ് ചെയ്തത്.
Post Your Comments