ഷിംല: സിപിഎം സ്ഥാനാര്‍ത്ഥികള്‍ നാമനിര്‍ദ്ദേശപത്രിക സമര്‍പ്പിച്ചു. ഹിമാചല്‍ പ്രദേശ് നിയമസഭാ തെരഞ്ഞെടുപ്പില്‍ മത്സരിക്കുന്ന സിപിഎമ്മിന്റെ സ്ഥാനാര്‍ത്ഥികളാണ് പത്രിക സമര്‍പ്പിച്ചത്. ഇത്തവണ ഹിമാചല്‍ പ്രദേശില്‍ 13 സീറ്റുകളിലാണ് പാര്‍ട്ടി മത്സരിക്കുന്നത്. ബിജെപിക്കും കോണ്‍ഗ്രസിനും എതിരെ കനത്ത വെല്ലുവിളി ഉയര്‍ത്താന്‍ സാധിക്കുമെന്നാണ് പാര്‍ട്ടി പ്രതീക്ഷിക്കുന്നത്.
ഷിംലയില്‍ നാല് സീറ്റിലും മണ്ഡിയില്‍ മൂന്ന് സീറ്റിലും ഹമീര്‍പൂരില്‍ രണ്ട് സീറ്റിലും പാര്‍ട്ടി മത്സരിക്കും. ഇതിനു പുറമെ കുല്ലു, സോളന്‍, സിര്‍മോര്‍, ലാഹുല്‍ സ്പിറ്റി ജില്ലകളില്‍ ഓരോ സീറ്റിലും സിപിഎം മത്സരിക്കും. മണ്ഡിയിലും ഷിംലയിലും മുന്‍പ് വിജയിച്ചിട്ടുള്ളത് സിപിഎമ്മിനു ആത്മവിശ്വാസം നല്‍കുന്നുണ്ട്.
Post Your Comments