കൊല്ലം: കൊല്ലത്ത് ഓടുന്ന ട്രയിനിനു നേരെ ഒളിച്ചിരുന്നു കല്ലെറിയുന്നയാള്‍ പിടിയില്‍. അഞ്ചാലുമൂട് സ്വദേശി ധനേഷാണ് ആര്‍.പി.എഫിന്റെ പിടിയിലായത്. ഇന്നലെ വൈകുന്നേരം ബംഗളുരു കൊച്ചുവേളി എക്സ്പ്രസ്സിനു നേരെ ഇയാൾ കല്ലെറിഞ്ഞത് റെയിൽവേ പോലീസ് കയ്യോടെ പിടികൂടുകയായിരുന്നു. കുറ്റിക്കാട്ടിൽ ഒളിച്ചിരുന്ന് കല്ലെറിയുന്നതിനിടെയാണ് ഇയാളെ പിടിച്ചത്.
കുറെ നാളുകളായി ട്രെയിനിന് കല്ലെറിയുന്ന സംഭവം റിപ്പോർട്ട് ചെയ്തിട്ടുണ്ടായിരുന്നു. പ്രശസ്ത മിമിക്രി താരത്തിന് ഇങ്ങനെ അജ്ഞാതർ കല്ലെറിഞ്ഞത് മൂലം ഗുരുതരമായ പരിക്കേറ്റിരുന്നു. ധനേഷ് മറ്റ് ക്രിമിനല്‍ കേസുകളിലും പ്രതിയാണ്. ഇയാള്‍ ജയില്‍ ശിക്ഷയും അനുഭവിച്ചിട്ടുണ്ട്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
Post Your Comments