വേ​ങ്ങ​ര​യിലെ യുഡിഎഫ് വിജയത്തെക്കുറിച്ച് കാ​നം രാ​ജേ​ന്ദ്ര​ൻ പറയുന്നത് ഇങ്ങനെ

തി​രു​വ​ന​ന്ത​പു​രം:  വേ​ങ്ങ​ര​യിലെ യുഡിഎഫ് വിജയത്തെ രാ​ഷ്ട്രീ​യ വി​ജ​യ​മായി കാണാൻ സാധിക്കില്ലെന്നു സി​പി​ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ. യു​ഡി​എഫിനു ഇത്തവണ ലഭിച്ച ഭൂ​രി​പ​ക്ഷം ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പിൽ ​ലഭിച്ചതിനെക്കാൾ കുറഞ്ഞു. ഇതു പ​തി​നാ​ലാ​യി​ര​ത്തി​ല​ധി​കം വോ​ട്ടി​ന്‍റെ കു​റ​വാണ് എന്നത് പ്രത്യേക പ്രധാന്യം അർഹിക്കുന്നു. മാത്രമല്ല ലോ​ക്സ​ഭാ ഉ​പ​തെ​ര​ഞ്ഞെ​ടു​പ്പി​നെ അപേക്ഷിച്ചും യു​ഡി​എ​ഫി​ന് വോട്ടു കുറഞ്ഞിട്ടുണ്ട്. പ​തി​നെ​ട്ടാ​യി​ര​ത്തോ​ളം വോട്ടിന്‍റെ കു​റ​വാണ് കഴിഞ്ഞ ലോ​ക്സ​ഭാ ഉ​പ​തെ​ര​ഞ്ഞെ​ടു​പ്പി​നെ​ക്കാ​ൾ യു​ഡി​എ​ഫി​ന് കു​റ​ഞ്ഞത്.

ഇതിൽ നിന്നും എൽഡിഎഫ് ശക്തി നേടിയ കാര്യം വ്യക്തമാണ്. എൽ ഡിഎഫിന്‍റെ അ​ടി​ത്ത​റ വി​പു​ല​മാ​യി. അതു കൊണ്ടാണ് ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​നെ​ക്കാ​ൾ എൽഡിഎഫിനു വോട്ട് കൂടിയത്. ഏ​ഴാ​യി​ര​ത്തി​ല​ധി​കം വോട്ടാണ് എൽഡിഎഫിനു വർധിച്ചത്. ഇതിൽ നിന്നും ഈ തെരെഞ്ഞടുപ്പ് ഫലം യുഡിഎഫിനു രാ​ഷ്ട്രീ​യ വി​ജ​യ​മായി കാണാൻ സാധിക്കില്ലെന്നു വ്യക്തമാണെന്നും അദ്ദേഹം കൂട്ടിച്ചേർത്തു.