തെന്നിന്ത്യൻ താരങ്ങളായ സാമന്തയും നാഗചൈതന്യയും വിവാഹിതരായി. ഇന്ന് പുലര്‍ച്ചെയാണ് വിവാഹം കഴിഞ്ഞെന്നുള്ള വിവരം ട്വിറ്ററിലൂടെ വെളിപ്പെടുത്തിയത്. ഗോവയിലെ സ്വകാര്യ ഹോട്ടലില്‍ പരമ്പാരാഗത ഹിന്ദു രീതിയിലായിരുന്നു ചടങ്ങുകള്‍. ഇരുവരുടെയും വിവാഹം ആരാധകർ ഏറെ കാത്തിരുന്നത്താണ്‌. ദീർഘനാളത്തെ പ്രണയത്തിന് ശേഷമാണ് ഈ വിവാഹം.
വിവാഹത്തിനു മുമ്പുള്ള മെഹന്തി ആഘോഷങ്ങളുടെ ചിത്രം വൈറലായിരുന്നു. ബന്ധുക്കളും അടുത്ത സുഹൃത്തുക്കളും മാത്രമാണു ചടങ്ങില്‍ പങ്കെടുത്തത്. 150 പേരോളം വിവാഹത്തില്‍ പങ്കെടുത്തതെന്നാണു വിവരം.ഒക്ടോബര്‍ എട്ടിന് സിനിമാ മേഖലയില്‍ ഉള്ളവര്‍ക്കായി വലിയ റിസപ്ഷന്‍ ഏര്‍പ്പെടുത്തിയിട്ടുണ്ട്.
വിദേശത്തേക്കാണ് ഹണി മൂൺ യത്ര ഇരുവരും തീരുമാനിച്ചിരിക്കുന്നത്.വിവാഹത്തിന് ശേഷവും സിനിമയിൽ ഇരുവരും വീണ്ടും സജീവമാകും. വിജയ് നായകനായ ‘മെര്‍സല്‍’ ആണ് സാമന്തയുടെ പുതിയ ചിത്രം.
Post Your Comments