പത്തനംതിട്ട•എ.ഡി.ജി.പി ബി സന്ധ്യയുടെ നിര്‍ദ്ദേശപ്രകാരമാണ് സ്വാമി ഗംഗേശ്വാനന്ദയുടെ ജനനേന്ദ്രിയം മുറിച്ചതെന്ന് പിസി ജോര്‍ജ്ജ് എം.എല്‍.എ. ഇതില്‍ സന്ധ്യയ്ക്കുള്ള പങ്ക് അന്വേഷിക്കണമെന്നും പിസി ജോര്‍ജ്ജ് ആവശ്യപ്പെട്ടു.
കൊച്ചിയില്‍ ആക്രമിക്കപ്പെട്ട നടിക്കെതിരെയും പിസി ജോര്‍ജ്ജ് വീണ്ടും മോശം പരാമര്‍ശം നടത്തി. നടിയെ കാറില്‍ തട്ടിക്കൊണ്ടുപോയി പീഡിപ്പിച്ച ഡ്രൈവര്‍ പള്‍സര്‍ സുനി നേരത്തെ ഗോവയിലെ ഷൂട്ടിംഗില്‍ ആക്രമിക്കപ്പെട്ട നടിയുടെ ഡ്രൈവറായിരുന്നു. പീഡിപ്പിക്കണമെങ്കില്‍ ഗോവ യാത്രയില്‍ വച്ചു തന്നെ പള്‍സറിന് പീഡിപ്പിക്കാമായിരുന്നുവെന്ന് പിസി ജോര്‍ജ് പറഞ്ഞു. ദിലീപിന് നാലുവര്‍ഷം മുന്‍പത്തെ സംഭവത്തിലുള്ള പ്രതികാരമാണ് ക്വട്ടേഷന്‍ നല്‍കിയതെന്ന വാദം ഒരുവിധത്തിലും വിശ്വസിക്കാന്‍ കഴിയില്ലെന്നും പിസി ജോര്‍ജ്ജ് കൂട്ടിച്ചേര്‍ത്തു.
വക്കീലന്മാരില്‍ ഭൂരിപക്ഷവും ഭൂമാഫിയയുടെ വക്താക്കളാണെന്ന് പി.സി ജോര്‍ജ് ആരോപിച്ചു. തൃശൂരില്‍ റിയാല്‍ എസ്റ്റേറ്റ് കച്ചവടക്കാരനെ തട്ടിക്കൊണ്ടുപോയി കൊലപ്പെടുത്തിയ കേസിനെക്കുറിച്ച് പ്രതികരിക്കുകയായിരുന്നു ജോര്‍ജ്ജ്. റിയല്‍ എസ്റ്റേറ്റ് കച്ചവടക്കാരന്റ കൊലപാതകകേസ് അന്വേഷണം സി.ബി.ഐക്ക് വിടണമെന്നും പി.സി ജോര്‍ജ് ആവശ്യപ്പെട്ടു.
Post Your Comments