അഹമ്മദാബാദ്: കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ പരിഹസിച്ച് ബിജെപി ദേശീയ അധ്യക്ഷന്‍ അമിത് ഷാ. വികസനം കാണാന്‍ രാഹുല്‍ ഗാന്ധി ഇറ്റാലിയന്‍ കണ്ണട് മാറ്റണം. അതിനു പകരം അദ്ദേഹം ഗുജറാത്തി കണ്ണട വയ്ക്കണമെന്നും അമിത് ഷാ പറഞ്ഞു. ഗുജറാത്ത് ഗൗരവ് യാത്രയുടെ രണ്ടാം ഘട്ടം ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
കോണ്‍ഗ്രസിന്റെ പ്രധാന ചോദ്യം കേന്ദ്രത്തില്‍ നിന്നും പ്രധാനമന്ത്രി നരേന്ദ്ര മോദി കഴിഞ്ഞ മൂന്നു വര്‍ഷം ഗുജറാത്തിനു എന്തു നല്‍കിയെന്നാണ്. അതിനുള്ള ഉത്തരം മോദി ഗുജറാത്തിനു സമ്മാനിച്ച എഐഐഎംഎസ് നല്‍കി, രാജ്‌കോട്ടില്‍ അന്താരാഷ്ട്ര വിമാനത്താവളം അനുവദിച്ചു, നര്‍മദയിലെ സര്‍ദാര്‍ സരോവര്‍ അണക്കെട്ടിന്റെ ഉയരം കൂട്ടി, ആറു ലക്ഷം പാവപ്പെട്ടവര്‍ക്ക് വീടു നല്‍കിയെന്നത്.
പക്ഷേ രാഹുല്‍ ഗാന്ധിക്ക് ഇതു കാണാന്‍ കഴിയാത്തതിനു കാരണം അദ്ദേഹം ധരിക്കുന്നത് ഇറ്റാലിയന്‍ കണ്ണടയാതു കൊണ്ടാണ്. അതു മാറ്റി ഗുജറാത്തി കണ്ണട ധരിച്ചാല്‍ ഇവിടുത്തെ വികസനം കാണാന്‍ അദ്ദേഹത്തിനു സാധിക്കുമെന്നു അമിത് ഷാ കൂട്ടിച്ചേര്‍ത്തു.
Post Your Comments