ആദിവാസി യുവതിയുടെ മൃതദേഹം ഊരിലെത്തിച്ചത് ഒൻപതു കിലോമീറ്റർ നടന്ന്

മലപ്പുറം: മെഡിക്ക​ൽ കോ​ള​ജ് ആശു​പ​ത്രി​യി​ൽ ചികിത്സ​യി​ലി​രി​ക്കെ
മ​രിച്ച ചോ​ല​നാ​യ്ക്ക യു​വ​തി​യു​ടെ മൃ​ത​ദേ​ഹം ഊ​രി​ലെ​ത്തി​ച്ചതു ഒൻപതു കി​ലോ​മീ​റ്റ​ർ വ​ന​പാ​ത​യി​ലൂ​ടെ ചു​മ​ന്ന്. ക​രു​ളാ​യി ഉ​ൾ​വ​ന​ത്തി​ലെ അ​ച്ച​ന​ള​യി​ൽ താ​മ​സി​ക്കു​ന്ന കു​പ്പ​മ​ല കാ​ള​ച്ച​ക്ക​ന്‍റെ ഭാ​ര്യ ശാ​ര​ദ​യെ​ന്ന മാ​തി (23)യു​ടെ മൃ​ത​ദേ​ഹ​മാ​ണ് നാ​ട്ടു​കാ​ർ കി​ലോ​മീ​റ്റ​റു​ക​ൾ ചു​മ​ന്നു ഊ​രി​ലെ​ത്തി​ച്ച​ത്.

പ​നി​യെ തു​ട​ർ​ന്നു മൂ​ന്നു ദി​വ​സം മു​ൻപ് മാ​തി​യെ നിലമ്പൂർ ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു. അ​ച്ഛ​ൻ കു​ങ്ക​നും, അ​മ്മ വെ​ള്ള​യും സ​ഹാ​യ​ത്തി​നു​ണ്ടാ​യി​രു​ന്നു. പ​നി മൂ​ർ​ച്ഛി​ച്ച​തി​നെ തു​ട​ർ​ന്ന് ബു​ധ​നാ​ഴ്ച മാ​തി​യെ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​ൽ എ​ത്തി​ച്ചു​വെ​ങ്കി​ലും വ്യാ​ഴാ​ഴ്ച രാ​ത്രി 8.30 ഓ​ടെ മ​രി​ച്ചു.

കാ​ട്ടാ​ന​ക​ളു​ള്ള കാ​ട്ടി​ലൂ​ടെ രാ​ത്രി​യി​ൽ ഊ​രി​ലെ​ത്താ​ൻ ക​ഴി​യാ​ത്ത​തി​നാ​ൽ കഴിഞ്ഞ ദിവസം പു​ല​ർ​ച്ചെ​യാ​ണ് മെ​ഡി​ക്ക​ൽ കോ​ള​ജി​ൽ നി​ന്നു ആം​ബു​ല​ൻ​സി​ൽ മൃ​ത​ദേ​ഹം എ​ത്തി​ച്ച​ത്. ഒ​ൻപ​ത​ര​യോ​ടെ ടി​കെ കോ​ള​നി​യി​ൽ എ​ത്തി​ച്ചു​വെ​ങ്കി​ലും വ​ന​പാ​ത ദു​ർ​ഘ​ട​മാ​യ​തി​നാ​ൽ ആം​ബു​ല​ൻ​സി​ന് യാ​ത്ര തു​ട​രാ​ൻ ക​ഴി​ഞ്ഞി​ല്ല. തു​ട​ർ​ന്നു മൃ​ത​ദേ​ഹം ര​ണ്ട​ര​മ​ണി​ക്കൂ​റോ​ളം ആം​ബു​ല​ൻ​സി​ൽ ത​ന്നെ കി​ട​ത്തി. പി​ന്നീ​ട് പ​ഞ്ചാ​യ​ത്ത് മു​ൻ അം​ഗം വി.​കെ. ബാ​ല​സു​ബ്ര​മ​ണ്യ​ന്‍റെ നേ​തൃ​ത്വ​ത്തി​ൽ നാ​ട്ടു​കാ​രും വ​ന​പാ​ല​ക​രും പാ​ട്ട​ക്ക​രി​മ്പ് കോ​ള​നി​യി​ലെ യു​വാ​ക്ക​ളും ചേ​ർ​ന്നു മു​ള​യും ചാ​ക്കും ഉ​പ​യോ​ഗി​ച്ചു മ​ഞ്ച​ലു​ണ്ടാ​ക്കി ഉ​ച്ച​യ്ക്ക് പ​ന്ത്ര​ണ്ടോ​ടെ മൃ​ത​ദേ​ഹം ചു​മ​ന്നു അ​ച്ച​ന​ള​യി​ലേ​ക്കു കൊ​ണ്ടു പോ​കു​ക​യാ​യി​രു​ന്നു.

പാ​ട്ട​ക്ക​രി​മ്പിലെ ഒ​രു സം​ഘം യു​വാ​ക്ക​ളാ​ണ് മൃ​തു​ദേ​ഹം ചു​മ​ന്നു കൊ​ണ്ടു​പോ​യ​ത്. വൈ​കു​ന്നേ​ര​ത്തോ​ടെ ഊ​രി​ലെ​ത്തി​ച്ച മൃ​ത​ദേ​ഹം രാ​ത്രി​യി​ൽ സം​സ്ക​രി​ച്ചു.

വീഡിയോ കാണാം

വികെ ബൈജു.