ബസ് അപകടം : ആറ് മരണം

ഹൈദരാബാദ്: തെലങ്കാനയിലെ സൂര്യപെടിലുണ്ടായ ബസ് അപകടത്തിൽ ആറ് പേർ മരിച്ചു. 14 പേർക്കു പരിക്കേറ്റു. ഞായറാഴ്ച പുലർച്ചെയായിരുന്നു അപകടം. ബസ് മറ്റോരു ബസിനെ മറികടക്കാൻ ശ്രമിക്കുന്നതിനിടെ ട്രക്കിലിടിച്ചായിരുന്നു അപകടം. 36 പേർ ബസിലുണ്ടായിരുന്നു.

ആന്ധ്രാപ്രദേശ് സ്റ്റേറ്റ് റോഡ് ട്രാൻസ്പോർട്ട് കോർപറേഷന്‍റെ ബസാണ് അപകടത്തിൽപ്പെട്ടത്. ഹൈദരബാദ്-വിജയവാഡ റൂട്ടിലായിരുന്നു അപകടം. പരിക്കേറ്റവരെ സൂര്യപെടിലെ ആശുപത്രിയിൽ പ്രവേശിപ്പിച്ചു. ഇതിൽ നാലു പേരുടെ നില ഗുരുതരമാണെന്ന് അധികൃതർ അറിയിച്ചു.