ജിമിക്കി കമ്മൽ എന്ന ഗാനത്തിന്റെ വിജയം കണക്കിലെടുത്ത് മോഹൻലാൽ, ഗാനത്തിനൊപ്പം ചുവടുവയ്ക്കുന്ന വീഡിയോ സമൂഹമാധ്യമങ്ങളിൽ ശ്രദ്ധയേമായിരുന്നു.വീഡിയോ ഷെയർ ചെയ്യുന്നതിനൊപ്പം നടൻ ശ്രീനിവാസന്റെ മകനും നടനും സംവിധായകനും കൂടാതെ പ്രസ്തുത ഗാനം ആലപിക്കുകയും ചെയ്ത വിനീത് ശ്രീനിവാസൻ മോഹൻലാലിനെ ലാൽ അങ്കിൾ എന്ന് സംബോധന ചെയ്തതിനു പലയിടങ്ങളിലായി വിനീതിനെതിരെ വിമർശങ്ങൾ ഉയർന്നിരുന്നു.
ഈ വിഷയത്തിൽ വിനീതിന് പിന്തുണയുമായി മോഹൻലാൽ ആരാധകർ രംഗത്തെത്തി. ഇത് സംബന്ധിച്ച് മോഹൻലാലിൻറെ ഫേസ്ബുക് ഫാൻ പേജിൽ വിനീതിനോട് ക്ഷമ ചോദിച്ചിരിക്കുകയാണ് ആരാധകർ. തന്റെ അച്ഛന്റെ സഹോദരനെപ്പോലെ കാണുന്ന ലാലേട്ടനെ വിനീത് ലാൽ അങ്കിൾ എന്നാണ് ചെറുപ്പം മുതൽ വിളിച്ചു ശീലിച്ചിട്ടുള്ളത്.അങ്ങനെ വിളിക്കാനുള്ള അടുപ്പവും സ്നേഹവും വിനീതിന് ലാലേട്ടനുമായിട്ടുണ്ടെന്നും അതുകൊണ്ട് തന്നെ അതിൽ ഒരു തെറ്റും ചൂണ്ടിക്കാണിക്കാനില്ലെന്നും ഫേസ്ബുക് പോസ്റ്റിൽ പറയുന്നു.
ആ അടുപ്പം മനസിലാക്കതെ വിനീതിനെതിരെ അധിക്ഷേപം ഉയർത്തിയവർ ഇനിയെങ്കിലും ഇത്തരം പ്രവർത്തികൾ ആവർത്തിക്കരുതെന്നും ഒപ്പം ഏതെങ്കിലും തരത്തിൽ വിനീതിനെ വേദനിപ്പിച്ചിട്ടുണ്ടെങ്കിൽ അതിനു മാപ്പു ചോദിക്കുന്നു എന്നും കുറിച്ചാണ് ആരാധകർ കുറിപ്പ് അവസാനിപ്പിച്ചത് .
Post Your Comments