ഹണിപ്രീതിനെ പ്രഖ്യാപിത കുറ്റവാളിയാക്കാൻ ശ്രമം

ച​ണ്ഡീ​ഗ​ഡ്: ഹ​ണി​പ്രീ​ത് സിം​ഗി​നെ പ്ര​ഖ്യാ​പി​ത കു​റ്റ​വാ​ളി​യാ​യി പ്ര​ഖ്യാ​പി​ക്കാ​ന്‍ ഹ​രി​യാ​ന പോ​ലീ​സ് ശ്ര​മം ആ​രം​ഭി​ച്ചു. ബ​ലാ​ത്സം​ഗ​ക്കേ​സി​ല്‍ ജ​യി​ലി​ല്‍ അ​ട​യ്ക്ക​പ്പെ​ട്ട ദേ​ര സ​ച്ച സൗ​ദ നേ​താ​വ് ഗു​ര്‍​മീ​തി​ന്‍റെ വ​ള​ര്‍​ത്തു​മ​ക​ളെ​ന്ന് അ​വ​കാ​ശ​പ്പെ​ടു​ന്ന ആളാണ് ഹണി പ്രീത്. കൂ​ടാ​തെ, ഹ​ണി​പ്രീ​ത്, ദേ​ര ന​ട​ത്തി​പ്പു ചു​മ​ത​ല​യി​ലു​ള്ള ആ​ദി​ത്യ ഇ​ന്‍​സാ​ന്‍, പ​വ​ന്‍ ഇ​ന്‍​സാ​ന്‍ എ​ന്നി​വ​രു​ടെ പേ​രി​ലു​ള്ള സ്വ​ത്തു​ക്ക​ള്‍ ക​ണ്ടു​കെ​ട്ടാ​നും ശ്ര​മം തു​ട​ങ്ങി. എന്നാൽ ഇ​തു​വ​രെ ഇ​വ​രെ ക​ണ്ടെ​ത്താ​ന്‍ പോ​ലീ​സി​നു ക​ഴി​ഞ്ഞി​ട്ടി​ല്ല.

ക​ഴി​ഞ്ഞ​ദി​വ​സം ഹ​ണി​പ്രീ​തി​നെ​തിരെ ഹ​രി​യാ​ന പോ​ലീ​സ് എ​ഫ്‌ഐ​ആ​ര്‍ ര​ജി​സ്റ്റ​ര്‍ ചെ​യ്തി​രു​ന്നു. ഹ​ണീ​പ്രീ​തി​നെ​തി​രെ പ​ഞ്ച്കു​ള​യി​ലെ സെ​ക്ട​ര്‍ 5 പോ​ലീ​സ് സ്റ്റേ​ഷ​നി​ലാ​ണ് കേ​സ് ര​ജി​സ്റ്റ​ര്‍ ചെ​യ്തി​ട്ടു​ള്ള​ത്. മു​മ്പ് ര​ജി​സ്റ്റ​ര്‍ ചെ​യ്ത എ​ഫ്‌ഐ​ആ​റി​ല്‍ ഹ​ണി​പ്രീ​തി​ന്‍റെ പേ​ര് ഉ​ള്‍​പ്പെ​ടു​ത്തു​ക​യാ​യി​രു​ന്നെ​ന്നു പ​ഞ്ച്കു​ള പോ​ലീ​സ് ക​മ്മി​ഷ​ണ​ര്‍ എ.​എ​സ്.​ചൗ​ള അ​റി​യി​ച്ചു. ദേ​ര​യു​മാ​യി ബ​ന്ധ​പ്പെ​ട്ട് പ്ര​വ​ര്‍​ത്തി​ച്ചി​രു​ന്ന ആ​ദി​ത്യ ഇ​ന്‍​സാ​ന്‍, സു​രീ​ന്ദ​ര്‍ ദി​മാ​ന്‍ എ​ന്നി​വ​ര്‍​ക്കെ​തി​രേ​യും കേ​സ് ര​ജി​സ്റ്റ​ര്‍ ചെ​യ്തി​ട്ടു​ണ്ട്.

ഹ​രി​യാ​ന പോ​ലീ​സ് സെ​പ്റ്റം​ബ​ര്‍ ഒ​ന്നി​ന് ഇ​വ​ര്‍​ക്കെ​തി​രേ ലു​ക്ക് ഒൗ​ട്ട് നോ​ട്ടീ​സ് പു​റ​പ്പെ​ടു​വി​ച്ചി​രു​ന്നു. ലു​ക്ക് ഒൗ​ട്ട് നോ​ട്ടീ​സ് ജ​യി​ലി​ലേ​ക്കു കൊ​ണ്ടു​പോ​കും വ​ഴി ഗു​ര്‍​മീ​തി​നെ ര​ക്ഷ​പ്പെ​ടു​ത്താ​ന്‍ ഗൂ​ഢാ​ലോ​ച​ന ന​ട​ത്തി​യെ​ന്ന കേ​സി​ലാ​ണ്. നേ​പ്പാ​ള്‍ അ​തി​ര്‍​ത്തി​യി​ലെ ക​പി​ല​വ​സ്തു, മൊ​ഹാ​ന, ഷോ​ഹ്ര​ത്ഗ​ഡ്, ദേ​ബ​റു​വ പോ​ലീ​സ് സ്റ്റേ​ഷ​നു​ക​ളി​ല്‍ ഹ​ണി​പ്രീ​തി​ന്‍റെ ചി​ത്ര​ങ്ങ​ള്‍ പ​തി​പ്പി​ച്ചു. നേ​പ്പാ​ളു​മാ​യി അ​തി​ര്‍​ത്തി പ​ങ്കി​ടു​ന്ന മ​ഹാ​രാ​ജ്ഗ​ഞ്ച്, ല​ഖിം​പു​ര്‍, ബ​ഹ്റാ​യി​ച്ച്‌ ജി​ല്ല​ക​ളി​ല്‍ പോ​ലീ​സ് അ​തീ​വ ജാ​ഗ്ര​ത​യി​ലാ​ണ്.